Ես Պուտինին լավ եմ ճանաչում և այս օրերին հետևում էի նրան, և չեմ հիշում, որ նա այդքան հիստերիկ լիներ։ Ինձ համար նույնքան պարզ է, որքան այսօր, որ Պուտինին մնացել են շաբաթներ իշխանության ղեկին,- այս մասին սոցցանցում գրում է Վրաստանի նախկին նախագահ Միխեիլ Սաակաշվիլին։

Ինչպես նշել է Միխեիլ Սաակաշվիլին, առաջընթացը տեսանելի է, ուկրաինացիները մոտակա շաբաթներին հետ կվերցնեն Բախմուտը, ամենաուշը սեպտեմբերին կհասնեն Ազովի ծով և կսկսեն մտնել Ղրիմ։

«Այդ ժամանակ կլինի կարճ անցում եւ մեծ խառնաշփոթ։ Թե որքան արագ դա տեղի կունենա, մեծապես կախված է ռազմի դաշտում Ուկրաինայի շարունակական առաջընթացից:

Առաջընթաց կա, ուկրաինացիները մոտակա շաբաթներին կվերագրավեն Բախմուտը, ամենաուշը սեպտեմբերին կհասնեն Ազովի ծով և կսկսեն մուտք գործել Ղրիմ։ Ղրիմ մտնելը նշանակում է Պուտինի վերջը:

Տեսեք, Պուտինն առաջին անգամ իր իշխանության օրոք իմ ոճով դուրս եկավ հանրության առջև:

Այսքան մեծ Ռուսաստանում նրանք ոչ մի տեղ չէին կարող ռիսկի դիմել և տարան ամենահետամնաց շրջան՝ Դաղստանի Դերբենտ, որտեղ հեշտ էր դա կազմակերպելը։

Ամենակարող կայսրը, երբ իր տեսակետից այսպես խոնարհվում է, ամեն ինչ ասում է»,- գրում է Միխեիլ Սաակաշվիլին։