Ոչ ոք թող չմտածի, որ ես լավ եմ, քանի որ այնքան եմ գրում, այսօր երկու անգամ խելքս կորցրի,- այս մասին սոցցանցում գրում է Վրաստանի նախկին նախագահ Միխեիլ Սաակաշվիլին։

«Ղարիբաշվիլին Մյունխենում ասել է, որ թույլ կտանք եվրոպացի բժիշկներին, իսկ այս գործը ձգձգվում է արդեն 10 օր, բայց ես պայքարելու եմ այնքան, մինչև շունչս բերանիս մնա»։ Ինձ հետ շատ բան է պատահում։ Ֆրանսիայի նախագահը, առանց դիվանագիտության, Մեծ Բրիտանիայի վարչապետի հետ համատեղ ճեպազրույցում պահանջեց ինձ անվերապահ ազատ արձակել։ Սա լիովին աննախադեպ։ Նախօրեին ֆրանսիական գլխավոր Le figaro թերթը հրապարակեց իմ ծավալուն հարցազրույցը։ Աշխարհահռչակ մտածող Բեռնարդ Լևին իմ մասին հոդված է հրապարակել ամերիկյան ամենակարեւոր ամսագրում՝ TIME-ում։

Այսօր տեղեկացա, որ արժանացել եմ եվրոպական հեղինակավոր մրցանակներից մեկին։ Ուզում եմ ասել այն մի բուռ քաղաքական գործիչներին, ովքեր դեռ հապաղում են իմ անունը նշել, մի՛ դառնան ռուս-երազական բազմամյա քաղաքականության պատանդը։

Ես պարզապես ուզում եմ օգնել ձեզ, քանի դեռ այստեղ եմ, հակառակ դեպքում, երբ վերադառնամ Կիև, ես ամբողջովին կլանված կլինեմ Զելենսկիին օգնելով, և գուցե նույնիսկ ժամանակ չունենամ այստեղ շուրջը նայելու:

Ուժը միասնության և ակտիվության մեջ է։ Հիմա հաստատ ընդմիջումների ժամանակը չէ։ Փա՛ռք մեր երիտասարդներին, փառք բոլոր քաջ ու անվախ հայրենասերներին։ Սլավա Ուկրաինա»,- գրում է Միխեիլ Սաակաշվիլին։