Միխեիլ Սաակաշվիլի. Բլինկենի հայտարարության մեջ հստակ ասվում է, որ Վրաստանում ժողովրդավարական անկումը սկսվել է 2012 թվականից հետո
«Բլինկենի հայտարարության մեջ հստակ ասվում է, որ Վրաստանում ժողովրդավարական հետընթացը սկսվել է 2012 թվականից հետո»,- սոցցանցում հայտարարել է Վրաստանի նախկին նախագահ Միխեիլ Սաակաշվիլին։
Նրա խոսքով, Ամերիկայի Միացյալ Նահանգները երբեք որևէ մեկի նկատմամբ նման մասշտաբի պատժամիջոցներ չեն կիրառել։
«Ամերիկան երբեք այս մասշտաբի պատժամիջոցներ չի կիրառել ոչ մեկի նկատմամբ միաժամանակ։ Կարևոր պահին՝ 2008-ին, ԱՄՆ-ը միջամտեց՝ փրկելու վրացական պետությունը, հիմա էլ ավելի վտանգավոր պահի ենք սպասում և Ամերիկան նորից մեզ օգնում է։
Բայց պետք է հիշել, որ այս օգնության արդյունավետությունն ու շարունակականությունը կախված է մեր հասարակության հետագա գործունեությունից։ Ամերիկացիները պաշտպանում են այն երկրներին ու հասարակություններին, որոնք մեծ ցանկություն ունեն պայքարելու ավելի լավ ճակատագրի համար: Նաեւ, եթե ուշադիր նայենք, Բլինկենի հայտարարության մեջ հստակ ասվում է, որ Վրաստանում ժողովրդավարական անկումը սկսվել է 2012 թվականից հետո։ Սա Արեւմուտքի կողմից 2012 թվականին տեղի ունեցածի իրականության վերջնական ճանաչումն է։ Լավ է ուշ, քան երբեք»,- ասել է Սաակաշվիլին իր հայտարարության մեջ։