Այսօրվա հանրահավաքի մարդկանց թիվը կարևոր է, բայց ոչ որոշիչ։ Ավելի կարևոր է գործողությունների շարունակականությունը, դիմադրության որակը և կազմակերպիչների սկզբունքային լինելը,- այս մասին սոցցանցում գրում է Վրաստանի նախկին նախագահ Միխեիլ Սաակաշվիլին։

Ինչպես նշում է Սաակաշվիլին, «հոկտեմբերի 26-ի ընտրություններում երկրի ներսում և դրսում ներգրավված համայնքն ամբողջությամբ անցավ փորձությունը՝ ցույց տալով ինքնակազմակերպման հրաշքներ»։

«Հիմա մարդիկ շատ զայրացած են։ Արդյո՞ք այս զայրույթը կվերածվի հզոր բողոքի շարժման, կախված է քաղաքական սպեկտրի և քաղաքացիական սեկտորի ղեկավարությունից և համախմբվածությունից: Աշխարհում բոլորը, ովքեր հետեւում են Վրաստանին, մի կողմից զարմանում են ընտրությունները գողանալու հանդգնությամբ, մյուս կողմից սպասում են, թե արդյոք վրաց ժողովուրդը դիմադրելու կարողություն կունենա՞։ Սրանից է կախված մեր աջակցությունը։ Ընդհանուր առմամբ, սա այն դեպքն է, երբ մեր ապագան ամբողջովին մեր ձեռքերում է։ Մենք բոլորս պետք է հասկանանք, որ ոչ միայն ընտրությունները գողացան, այլեւ Վրաստանում բռնապետություն հաստատվեց, որն այժմ անհամբեր սպասում է վրացիներին հարմարվելու «նոր իրականությանը», ապա մտադիր է վերջապես վերջ տալ մնացած ազատություններին ու զանգվածային ռեպրեսիաներ իրականացնել։ Նաև Վրաստանի վրա պատրաստվում է մեծ էթնիկ զտում, որի արդյունքում մինչև մեկ միլիոն մարդ լքել երկիրը։ Մենք շատ ժամանակ չունենք։ Իհարկե, մեզ նույնպես համբերություն է պետք, բայց համբերությունից ավելի պետք է ագրեսիվ դիմադրություն արդեն հաստատված դե ֆակտո բռնապետությանը։ Մենք պետք է պայքարենք այնքան ժամանակ, որքան կարող ենք, իսկ հետո այնքան, որքան անհրաժեշտ է»,- գրում է Միխեիլ Սաակաշվիլին։