Ցանկանում եմ շնորհավորել այսօրվա օրը ամբողջ Վրաստանին։ Ընտանիքի զգացողությունը, ընտանիքի սերը նույնացվում է հայրենիքի սիրո հետ, և դա մենք բոլորս միասին ենք զգում, – այս մասին հայտարարել է Վրաստանի նախագահ Միխեիլ Ղավելաշվիլին՝ Ընտանիքի սրբության և ծնողների հարգանքի օրվան նվիրված երթի մեկնարկից առաջ լրագրողների հետ զրույցում։

Նրա խոսքով՝ երկրի միասնությունը և հաղթանակը սկսվում է ընտանիքներից։

«Մեր արժեքները, հարգանքը, որի վրա հիմնված ենք, հենց ընտանիքից են սկսվում։ Ցանկանում եմ ամենամեծ շնորհակալությունը հայտնել պատրիարքին այս օրվան առանձնահատուկ նշանակություն տալու համար։ Մենք տեսնում ենք, թե որքան մեծ ուրախություն է այսօր ժողովրդի մեջ։ Ընտանիքի զգացողությունը, ընտանիքի սերը նույնացվում է հայրենիքի սիրո հետ, և դա մենք բոլորս միասին ենք զգում։ Կրկին ցանկանում եմ շնորհավորել այսօրվա օրը ամբողջ Վրաստանին։ Երբ կլինի նման միասնություն, մենք անպայման կհաղթենք։ Մեր միասնությունը և հաղթանակը սկսվում են հենց ընտանիքներից», – նշել է նախագահը։