Վրաստանի նախագահ Միխեիլ Քավելաշվիլուն Սերբիայի Հանրապետության վարչապետ Ջուրո Մատուցին հյուրընկալել է աշխատանքային ընթրիքի ընթացքում՝ ուղեկցող պատվիրակության հետ միասին։ Այս մասին տեղեկացնում է Վրաստանի նախագահի վարչակազմը։

Նրանց փոխանցմամբ՝ հանդիպման ընթացքում քննարկվել է Վրաստանի և Սերբիայի միջև սերտ համագործակցության ընթացքը և հարաբերությունների ընդլայնման հեռանկարները։

«Ուշադրություն է դարձվել ժողովուրդների միջև գոյություն ունեցող բարեկամական և ավանդական կապերին, մշակութային նմանություններին և ընդհանուր արժեքներին։ Նշվել է, որ մշակութային ընդհանրությունները և Վրաստանի ու Սերբիայի առջև ծառացած ընդհանուր աշխարհաքաղաքական մարտահրավերները լրացուցիչ խթան են երկկողմ հարաբերությունների խորացման և միջազգային հարթակում միմյանց դիրքերի ամրապնդման համար։

Վրաստանի նախագահի հետ աշխատանքային ընթրիքին մասնակցել են պատվիրակության անդամները՝ արտաքին գործերի նախարար Մակա Բոչորիշվիլի, Վրաստանի խորհրդարանի պատգամավորներ Իրակլի Մեզուրնիշվիլի, Իրմա Զավրադաշվիլի, Գուրամ Մաճարաշվիլի, Վրաստանի դեսպանը Սերբիայի Հանրապետությունում Լևան Բերիձե, ինչպես նաև Վրաստանի նախագահի վարչակազմի ներկայացուցիչներ», – նշված է նախագահի վարչակազմի տարածած տեղեկատվությունում։