Ընտրություն կատարելն ինձ համար իսկապես ավելի հեշտ է դարձել, մի կողմից կա խաղաղություն, զարգացում, կայունություն, իսկ մյուս կողմից՝ քաոս, առճակատում, բևեռացում,- լրագրողներին ասաց Վրաստանի նախագահ Միխեիլ Կավելաշվիլին ընտրատեղամասում քվեարկելուց հետո։

Ղավելաշվիլիի խոսքով՝ մենք պետք է վերլուծենք, որ ներկայիս իրականությունը հնարավորություն է տալիս մեր երկրին դառնալ ավելի կայուն, խաղաղ և զարգացած։

Բացի այդ, Վրաստանի նախագահը շնորհակալություն հայտնեց բոլոր ընտրողներին, ովքեր այսօր մասնակցում են ընտրություններին։

«Նախևառաջ, արտահայտեցի իմ քաղաքացիական պատասխանատվությունը։ Ես ընտրություն կատարեցի։ Անկեղծ կլինեմ հանրության հետ, ընտրություն կատարելն ինձ համար իսկապես ավելի հեշտ է դարձել։ Մենք գիտենք, որ մի կողմից խաղաղություն է, զարգացում, կայունություն, ցավոք, մյուս կողմից՝ քաոս, առճակատում, բևեռացում։ Վստահ եմ, որ մեր հասարակությունը նույնպես դժվարություն չի ունենա ընտրություն կատարելիս։ Օգտվելով առիթից՝ շնորհակալություն եմ հայտնում մեր քաղաքացիներին, նրանց, ովքեր հավատում են մեր հայրենիքին, մեր պետությանը, նրանց, ովքեր մասնակցում են տեղական ինքնակառավարման մարմինների ընտրություններին՝ անկախ քաղաքական հայացքներից, հատկապես շնորհակալություն եմ հայտնում բոլոր նրանց, ովքեր ունեն պետական ​​գիտակցություն։ Անկախության վերականգնումից հետո մեր երկիրը բազմաթիվ մարտահրավերների է դիմացել, մենք մեծ փորձ ենք կուտակել, ցավոք, եղել են դժվար օրեր։ Մենք անցել ենք քաղաքացիական պատերազմի, երեք պատերազմների, առճակատումների միջով, այս ամենը անցել է, և մեր հասարակությունը շատ իմաստուն է դարձել, նրա համար դժվար չի լինի ընտրություն կատարել։ Կրկնում եմ ևս մեկ անգամ, որ դա հեշտ ընտրություն է։ Մենք պետք է հասկանանք, հաշվի առնենք և վերլուծենք, որ ներկայիս իրականությունը հնարավորություն է տալիս մեր երկրին դառնալ ավելի կայուն, խաղաղ և զարգացած», – ասաց Կավելաշվիլին։