Ժամանակակից աշխարհի ամենամեծ մարտահրավերների ֆոնին մենք պետք է հստակ հասկանանք, որ անկախությունը միանգամայն տրված չէ, այն արժեք է, որը պետք է վաստակել և պաշտպանել ամեն օր, ինչը մեզանից մեծ ջանքեր է պահանջում և մեզ վրա անչափելի պատասխանատվություն է դնում, – ասել է Վրաստանի նախագահ Միխեիլ Ղավելաշվիլին Վրաստանի անկախության օրվան նվիրված հանդիսավոր միջոցառման ժամանակ իր ելույթում։

Վրաստանի նախագահի խոսքով, միշտ պետք է հիշենք անկախության համար պայքարած յուրաքանչյուր հերոսի, պատվենք, պահպանենք, պաշտպանենք և ամրապնդենք նրա նվաճումները։

«Անկախության օրը մեզ հիշեցնում է ավելի վճռական, միասնական լինել և Վրաստանի ապագան որոշել միայն մեր երկրի շահերից ելնելով։

Մենք միշտ պետք է հիշենք անկախության համար պայքարած յուրաքանչյուր հերոսի, պատվենք և պահպանենք, պաշտպանենք և ամրապնդենք նրանց նվաճումները, անենք ամեն ինչ, որպեսզի մեր աբխազ և օս քույրերի ու եղբայրների հետ միասին կառուցենք միասնական, զարգացած Վրաստան և մեր երեխաներին թողնենք շատ ավելի ուժեղ, ավելի ամուր և ավելի ազատ պետություն։

Ես կցանկանայի դիմել մեր ապագա սերնդին. դուք այս երկրի վաղվա օրն եք։ Ձեր էներգիան մեր երկրի զարգացման ամենամեծ շարժիչ ուժն է։ Աստված, հայրենիք, ժողովուրդ, լեզու, հավատք, ընտանիքի մաքրություն՝ սրանք այն հավերժական արժեքներն են, որոնք որոշել են մեր գոյությունը։

Հենց այս իդեալների հիման վրա դուք պետք է դառնաք լավագույնը ձեր կոչման մեջ, որպեսզի մեր հայրենիքը հավերժ անմահ լինի», – ասաց Վրաստանի նախագահը։