Վրաստանի կրթության և գիտության նախարար Միխեիլ Չխենկելին դիմում է երիտասարդներին և շնորհավորում նրանց Ուսանողների միջազգային օրվա առթիվ։

«Նոյեմբերի 17-ը Ուսանողների միջազգային օրն է – ուզում եմ շնորհավորել յուրաքանչյուր ուսանողի այս կարևոր օրվա կապակցությամբ, որը տարիներ շարունակ նշվում է ամբողջ աշխարհում։ Վրաստանի կրթության և գիտության նախարարության գլխավոր առաջնահերթություններից է ուսանողների մասին հոգալը և նրանց որակյալ կրթության հասանելիության ապահովումը։ Հավատում եմ, որ գալիք տարիները ձեզ համար կլինեն հատուկ հնարավորություններով և պարտականություններով։ Հիշեք, որ դուք այն սերունդն եք, որը մեր երկրի համար ավելի լավ ապագա է կերտում, և ձեր յուրաքանչյուր հաղթանակով զգալի ներդրում ունեք Վրաստանի զարգացման և առաջընթացի գործում։ Եվս մեկ անգամ շնորհավորում եմ, մաղթում եմ հաջողություններ և բեղմնավոր ուսանողական տարիներ»,- ասում է Միխեիլ Չխենկելին։

Նոյեմբերի 17-ը Ուսանողների միջազգային օրն է, որն ամբողջ աշխարհում նշվում է 1946 թվականից, իսկ Վրաստանում՝ 2009 թվականից։