Միխեիլ Չխենկելին հանդիպել է Իլհամ Ալիևի հետ
Աշխատանքային այցով Բաքվում գտնվող Վրաստանի կրթության և գիտության նախարար Միխեիլ Չխենկելին հյուրընկալվել է Ադրբեջանի Հանրապետության նախագահ Իլհամ Ալիևին։
Կրթության նախարարության փոխանցմամբ՝ հանդիպման ընթացքում կողմերը քննարկել են Վրաստանի և Ադրբեջանի Հանրապետության միջև երկարամյա բարեկամության և ռազմավարական գործընկերության հարցեր։ Զրույցն անդրադարձել է կրթության ոլորտում երկրների սերտ համագործակցությանը։
«Ադրբեջանի Հանրապետության նախագահը ուշադրություն է հրավիրել այս տարվա հոկտեմբերի 24-ին Վրաստան կատարած իր աշխատանքային այցի վրա, որի ընթացքում հյուրընկալվել էր Վրաստանի վարչապետ Իրակլի Ղարիբաշվիլիին։
Իլհամ Ալիևի խոսքով, ինքը հնարավորություն է ունեցել Վրաստանի կառավարության ղեկավարի հետ քննարկել բոլոր այն կարևոր հարցերը, որոնք էլ ավելի կխորացնեն երկրների միջև առկա համագործակցությունը։
Միխեիլ Չխենկելին շնորհակալություն է հայտնել Ադրբեջանի նախագահին հյուրընկալության համար և Իլհամ Ալիևի այցը Վրաստան գնահատել որպես պատմական իրադարձություն։
Նախարարի խոսքով՝ Վրաստանի և Ադրբեջանի միջև երկարամյա բարեկամական հարաբերությունները արդյունավետ համագործակցության տեսանելի օրինակ են։ Այս առումով հատկապես ուշագրավ է կրթության ոլորտում երկրների սերտ գործընկերությունը բոլոր մակարդակներում, ինչը նպաստում է երկկողմ հարաբերությունների խորացմանը»,- ասված է տեղեկատվության մեջ։