2022 թվականի միասնական ազգային քննությունների մեկնարկի առաջին օրը Վրաստանի կրթության և գիտության նախարար Միխեիլ Չխենկելին այցելել է Թբիլիսիի քննական կենտրոններ և հաջողություն մաղթել դիմորդներին։ Այսօր դիմորդները հանձնում են առաջին քննությունը վրաց լեզու և գրականություն առարկայից։

«Այսօր մեկնարկել են միասնական ազգային քննությունները։ Երկրի բոլոր քննական կենտրոնները կազմակերպված են բարձր մակարդակով։ Այս տարի նորությունն այն է, որ մենք ավելացրել ենք երրորդ ընտրովի առարկաների ցանկը, ուստի դիմորդներն ավելի շատ հնարավորություններ ունեն ցուցադրելու իրենց գիտելիքները: Ուզում եմ բոլոր դիմորդներին մաղթել հաջողությամբ հանձնել ազգային քննությունները»,- ասել է Միխեիլ Չխենկելին։

Ամբողջ հանրապետությունում գործում են 22 քննական կենտրոններ, որոնք կընդունեն մինչև 90 000 գրանցված քննվողներ՝ դիմորդներ, ուսանողական դրամաշնորհային մրցույթի մասնակիցներ, մագիստրատուրայի թեկնածուներ, ուսուցիչների և մանկավարժների կարգավիճակը բարձրացնել ցանկացողների։

2022 թվականի միասնական ազգային քննություններին պարտադիր չէ դիմակ կրել, սակայն ցանկության դեպքում քննվողը հնարավորություն ունի դիմակ կրել։ Այն դեպքում, երբ դիմորդի մոտ քննության օրը հաստատվի Covid-ի առկայությունը և գրանցվի առողջապահական տվյալների բազայում, նրա համար կանցկացվի լրացուցիչ նիստ, որտեղ նա կկարողանա հանձնել համապատասխան առարկան։

Այս տարվա քննությունների նորությունն այն է, որ դիմորդների համար ընդլայնվել է երրորդ կամընտիր պարտադիր առարկայի ցանկը՝ պատմության և մաթեմատիկայի հետ մեկտեղ, նրանք կարող են պրոֆիլավորել առարկաները ըստ իրենց ընտրած բնագավառի՝ հաշվի առնելով իրենց նախընտրած մասնագիտությունը (գրականություն, ֆիզիկա, քիմիա, կենսաբանություն, աշխարհագրություն, կերպարվեստ և կիրառական արվեստ և քաղաքացիական կրթություն)։

Բացի այդ, այս տարի առաջին անգամ քննություն է անցկացվում ոչ վրացալեզու դպրոցների մայրենիի և գրականության ուսուցիչների, ինչպես նաև առաջնորդ և դաստիարակ ուսուցիչ դառնալ ցանկացողների համար։