Չեռնոբիլի ատոմակայանում իրավիճակը վտանգավոր է, քանի որ ռուս զավթիչների գործողությունները թողել են կայանը առանց էլեկտրականության, և այժմ ոչ ոք չի հասկանում, թե ինչ է կատարվում այնտեղ,- ուկրաինական լրատվամիջոցներին ասել է Ուկրաինայի նախագահի ավագ խորհրդական Միխայիլ Պոդոլյակը։

«Ընդհանուր առմամբ, Չեռնոբիլում իրավիճակը շատ վտանգավոր է։ Զավթիչների գործողության պատճառով այնտեղ անջատվել է օբյեկտների կայուն էլեկտրամատակարարումը, որոնք ուղղակի չպետք է մնան առանց էլեկտրամատակարարման։ Սա սպառնալիք է ողջ Եվրոպայի և, իհարկե, հենց Ռուսաստանի համար»,- ասել է Պոդոլյակը։

Նա ասել է, որ «Ատոմային էներգիայի միջազգային գործակալությունը» կորցրել է կապը Չեռնոբիլի ատոմակայանի անվտանգության մոնիտորինգի համակարգերի հետ, ուստի հիմա ոչ ոք չի հասկանում, թե ինչ է կատարվում այնտեղ։

Ըստ Պոդոլյակի՝ դա նշանակում է, որ աշխարհը պետք է շատ ավելի մեծ ճնշում գործադրի Ռուսաստանի վրա՝ Ուկրաինայից օկուպանտներին դուրս մղելու համար։ Նա նաև նշել է, որ ռուսները պատերազմը սկսել են իրենց հարևաններին նվաճելու համար «միջնադարյան պատերազմների» ոգով, ուստի զարմանալի չէ, որ նրանք միջուկային բլոկներ են նետում, կռվում միջուկային օբյեկտների դեմ և վնասում էլեկտրաէներգիայի աղբյուրները։ Պոդոլյակն ասաց, որ այդ օբյեկտները կարող են օգտագործվել որպես ռուսների շանտաժի առարկա: