Ուկրաինայի և Ռուսաստանի նախագահների հանդիպումը խաղաղության վերականգնման բանալին է, և նման գագաթնաժողովը կարող է տեղի ունենալ, երբ հնարավոր փոխզիջումներ ձեռք բերվեն դեմ առ դեմ բանակցությունների համար,- ասել է Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը:

«Ցանկացած հիմնարար որոշում կարող է ընդունվել միայն երկու երկրների՝ Ուկրաինայի և Ռուսաստանի նախագահների հանդիպման ժամանակ։ Անկասկած, նման հանդիպումը խաղաղության գրավականն է։ Պատրաստվում է և պատրաստ կլինի, մենք շփումներ ունենք մեր գործընկերների հետ, ովքեր ցանկանում են կազմակերպել այս հանդիպումը, շատ երկրներ շահագրգռված են պատերազմի թեժ փուլն ավարտելու հարցում։ Երբ աշխատանքային խմբերը բանակցային գործընթացի շրջանակներում մշակեն նախնական փաստաթղթերը և ներկայացնեն նախագահներին, նրանք կգնահատեն դրանք, և սա արդեն «ճանապարհային քարտեզ» է, որը կարելի է դեմ առ դեմ քննարկել, ապա այս հանդիպումը կկայանա»,- հայտարարել է Պոդոլյակը:

Նա ասաց, որ չգիտի, թե երբ կկայանա այս հանդիպումը, և դեռ հստակ ժամկետ չկա։

Նրա խոսքով, Ուկրաինան ցույց է տվել իր մարտական, նյութատեխնիկական պատրաստվածությունը և կարողացել է կառուցել պատերազմի ենթակառուցվածք, ինչը հնարավորություն է տալիս ճիշտ բանակցություններ վարել և շատ լավ դիրքորոշում պատրաստել նախագահի համար։