Հաճելի պատկեր չէ, սակայն, մեր կարծիքով, մեկուսացված միջադեպ է,- ասել է ԵՄ արտաքին գործողությունների ծառայության կառավարիչ տնօրեն Միխաել Զիբերտը, ով արձագանքել է խորհրդարանի շենքի մոտ Եվրամիության դրոշը հանելուն ու այրելուն։

«Անձամբ ես վերջին մեկ շաբաթվա ընթացքում, վերջին տասն օրում տեսել եմ բազմաթիվ տեսանյութեր, որտեղ շատ համարձակ իրավիճակում ծածանում են եվրոպական դրոշը, ես տեսել եմ, թե ինչպես էր մի կին դրոշը թափահարում ջրի շիթին, սա է պատկերը, որն իմ հիշողության մեջ է»,- ասում է Միխաել Զիբերտը։

Ներքին գործերի նախարարությունը վարչական վարույթ է սկսել խորհրդարանի մոտ այսօր տեղի ունեցած փաստի առնչությամբ, որը նշանակում է պղծում Եվրամիության, Հյուսիսատլանտյան դաշինքի կամ հասարակական հաստատության կողմից կառուցված/ցուցադրված մեկ այլ միջազգային կազմակերպության պաշտոնական խորհրդանիշը։ Գերատեսչության տվյալներով՝ իրավապահները կբացահայտեն և կտուգանեն խախտողներին։