Մենք Վրաստանի, վրաց ժողովրդի բարեկամներն ենք, Վրաստանի տեղը Եվրոպայի սրտում է, և դա նշանակում է, որ մենք քրտնաջան աշխատում ենք Վրաստանի ճանապարհին դեպի Եվրամիություն,- ասել է Գերմանիայի Բունդեսթագի արտաքին հարաբերությունների հանձնաժողովի նախագահ Միխայել Ռոթը։

Նրա խոսքով՝ ինքը դիմում է Վրաստանի կառավարությանը՝ հետ կանչելու խորհրդարան ներկայացված օրինագիծը։ Միխաել Ռոթն ասում է, որ Վրաստանի պայծառ ապագայի հնարավորություն չի տեսնում, եթե կառավարությունը չվիճարկի այս օրենքը։

«Ինձ համար մեծ պատիվ է լինել եվրոպական պատվիրակության, այդ թվում՝ Եվրախորհրդարանի իմ գործընկերների մաս՝ հստակ ուղերձ հղելու համար։ Մենք Վրաստանի բարեկամներն ենք, մենք վրաց ժողովրդի բարեկամներն ենք։ Մենք չափազանց հավատարիմ ենք Վրաստանի դիրքին Եվրոպայի սրտում, և դա նշանակում է, որ մենք քրտնաջան աշխատում ենք դեպի Եվրամիություն Վրաստանի ճանապարհին: Այնուամենայնիվ, խնդրում եմ, հարգելի կառավարություն և հարգելի իշխող կուսակցություն, կասեցնել «օտարերկրյա գործակալների» օրենքը։ Ես Վրաստանի պայծառ ապագայի շանս չեմ տեսնում, եթե կառավարությունը չվիճարկի այս օրենքը։ Իմ շնորհակալությունն է այն մարդկանց, ովքեր փողոցներում խաղաղ ցույց են անցկացնում։ Թբիլիսին Եվրոպայի իրական մայրաքաղաքն է մարտահրավերներով լի այս ժամանակաշրջանում։ Ես մեծ հույս ունեմ, որ մենք հնարավորություն կունենանք զրուցելու կառավարության, խորհրդարանի, ընդդիմության և քաղաքացիական հասարակության ներկայացուցիչների հետ»,- ասաց Միխաել Ռոթը։

Հարցին՝ եթե այս օրենքը հաստատվի, տարեվերջին Եվրամիության անդամակցության շուրջ բանակցություններ կբացվե՞ն, Միխաել Ռոթն ասաց. «Ոչ, միանշանակ՝ ոչ։ Այս օրենքով ես չեմ տեսնում անդամակցության բանակցությունների գլուխներ բացելու հնարավորություն։ Եվրամիության ուղերձը շատ պարզ է»։