Վրաստանում նոյեմբերի 21-ին նշանակված խորհրդարանական ընտրությունների երկրորդ փուլի պատճառով ընտրական գործընթացի անխափան ապահովումն ապահովելու համար, քանի դեռ տեղամասերի փակումից հետո ընթանում են համապատասխան ընթացակարգեր, այսօր և վաղը՝ նոյեմբերի 20-21-ը, ժամը 22:00-ից 05:00-ն, տեղաշարժի արգելքը չեղարկվում է որպես բացառություն,- նշված որոշումն ընդունել է վարչապետի գլխավորությամբ գործող միջգերատեսչական համակարգող խորհուրդը, այսօրվա նիստին: Փոփոխությունը մտցվել է կառավարության համապատասխան հրամանագրում: Գործող սահմանափակումն ուժի մեջ կմտնի նոյեմբերի 22-ի ժամը 22:00-ից:

Խորհուրդը քննարկել է տեղամասերում համաճարակային անվտանգության կանոնների պաշտպանության հարցը: Նշվել է, որ ինչպես հոկտեմբերի 31-ին, այնպես էլ՝ նոյեմբերի 21-ին, բոլոր 17 տարածքների ընտրատեղամասերում խստորեն պահպանվելու են համաճարակային անվտանգության նորմերը:

Խորհրդի անդամները խոսել են երկրում համաճարակային վիճակի և կետային սահմանափակումների, ինչպես նաև աշխարհում կորոնավիրուսով վարակված մարդկանց թվի աճող դինամիկայի մասին: Նշվել է, որ չնայած կորոնավիրուսի դեպքերի աճին, երկիրը վարում է կետային և տեղային մոտեցումների կիրառման ռազմավարություն, և չի նախատեսվում համակարգային սահմանափակումների կիրառում:

Խորհուրդը կենտրոնացավ նաև հիվանդանոցների գերբեռնվածությունից խուսափելու ուղղությամբ ձեռնարկված քայլերի վրա: Առողջապահության նախարարը խորհրդի անդամներին տեղեկացրեց բնակարանային բուժման, ինչպես նաև կովիդ-հյուրանոցներում և հիվանդանոցներում տիրող իրավիճակի մասին: Հիվանդությունների վերահսկման և հանրային առողջության ազգային կենտրոնի ղեկավարը խոսել է թեստավորման գործընթացի մասին և նշել, որ «ՊՇՌ» թեստերին զուգահեռ, հակագենի վրա հիմնված թեստերն արդեն ակտիվորեն օգտագործվում են կորոնավիրուսի ախտորոշման համար:

Խորհուրդը կրկնել է շնչադիմակ կրելու և հեռավորություն պահպանելու անհրաժեշտությունը, ինչը վարակի տարածումը կանխելու լավագույն միջոցներից մեկն է:

Այսօրվա տվյալների համաձայն, Վրաստանում հայտնաբերվել է կորոնավիրուսային վարակի լաբորատոր հաստատված 96 860 դեպք, որոնցից ապաքինվել է 77 932 անձ: Զոհվել է 894 վարակակիր:

Այս փուլում 2226 մարդ գտնվում է կարանտինում, 3411 քաղաքացի՝ կովիդ-հյուրանոցներում, և 5879 մարդ գտնվում է հիվանդանոցում՝  հսկողության ներքո:

Վրաստանի խորհրդարանը՝ Արչիլ Թալակվաձեի գլխավորությամբ, և նախագահի աշխատակազմը ակտիվորեն մասնակցում են վարչապետի գլխավորած միջգերատեսչական համակարգող խորհրդի աշխատանքներին:

Տեղեկատվությունը տարածում է Վրաստանի վարչապետի մամուլի ծառայությունը: