Գերմանիայի ներքին գործերի նախարար Նենսի Փեզերը կայցելի Վրաստան։

Վրաստանում Գերմանիայի դեսպանատան տարածած տեղեկատվության համաձայն՝ Նենսի Ֆեսերը կգա միգրացիոն համաձայնագրի գծով Գերմանիայի կառավարության հատուկ ներկայացուցիչ Յոահիմ Ստամպի հետ՝ Վրաստանի ներքին գործերի նախարար Վախթանգ Գոմելաուրիի հետ ստորագրելու միգրացիայի վերաբերյալ երկկողմ համաձայնագիրը։

«Այս համաձայնագրի հիման վրա մենք էլ ավելի կընդլայնենք առկա հաջող համագործակցությունը ապօրինի բնակվող քաղաքացիներին հայրենիք վերադարձնելու հարցում։ Սա ևս մեկ քայլ է անօրինական միգրացիայի կրճատման ուղղությամբ»,- ասել է Գերմանիայի ներքին գործերի նախարար Նենսի Փեզերը։

Դեսպանատանը նշում են, որ միգրացիայի մասին համաձայնագիրը հիմք է հանդիսանալու անօրինական միգրացիան նվազեցնելու համար, ինչը բխում է երկու երկրների շահերից։

Ըստ Գերմանիայի դեսպանատան՝ համաձայնագիրը կնպաստի սեզոնային զբաղվածությանը, Գերմանիայում Վրաստանի քաղաքացիների աշխատանքի տեղավորման նպատակային հնարավորություններ կստեղծի և կամրապնդի հարաբերությունները մասնագիտական ​​կրթության ոլորտում։