Միգրացիայի դեպարտամենտի աշխատակիցները Վրաստանից արտաքսել են օտարերկրյա 55 քաղաքացու
Ներքին գործերի նախարարության միգրացիայի դեպարտամենտի աշխատակիցները, նախարարության համապատասխան ստորաբաժանումների հետ սերտ համագործակցությամբ, վերջին օրերի ընթացքում իրականացված միջոցառումների արդյունքում Վրաստանից արտաքսել են օտարերկրյա 55 քաղաքացու։
Գերատեսչության տեղեկացմամբ՝ միգրացիայի դեպարտամենտի կողմից իրականացված համալիր միջոցառումների արդյունքում երկրից արտաքսվել են Թուրքիայի, Հնդկաստանի, Ռուսաստանի, Թուրքմենստանի, Ուզբեկստանի, Ադրբեջանի, Պակիստանի, Սոմալիի, Հայաստանի, Սուդանի, Թաիլանդի, Եգիպտոսի, Իրաքի և այլ պետությունների՝ ընդհանուր առմամբ 55 քաղաքացի։
Գործող օրենսդրության համաձայն՝ արտաքսված անձանց նկատմամբ սահմանվել է երկիր մուտք գործելու արգելք։