Քննությունների ազգային կենտրոնի ղեկավար Մայա Միմինոշվիլու հայտարարությամբ, դիմում են առկա բոլոր միջոցներին, որպեսզի ժամանակացույցի փոփոխության հետ կապված տեղեկությունը հասնի մինչև դիմորդ:

«Միացյալ ազգային քննություննրի ժամանակացույցի փոփոխման մասին մենք կարճ հաղորդագրություն ենք ուղարկում դիմորդների բջջային հեռախոսներին»,- հայտարարել է Մայա Միմինոշվիլին:

Քննության կենտրոնում հայտարարում են, որ չնայած փոփոխված ամսաթվին, դիմորդները քննությանը պետք է ներկայանան արդեն շնորհված կամ տպված քննության քարտերով:

Սպասվող բարձր ջերմաստիճանի պատճառով, միացյալ ազգային քննությունների ժամանակացույցը փոխվել է:

Վրացերեն լեզվի և գրականության քննության և ընդհանուր հմտությունների քննության անցկացման ժամանակը փոխվում է և հուլիսի 2-ին և 3-ին նախատեսված քննությունները կանցկացվեն համապատասխանաբար հուլիսի 4-ին և 5-ին: