Հիվանդությունների վերահսկման ազգային կենտրոնի ղեկավար Ամիրան Գամղրելիձեի խոսքով, «Օմիկրոն»-ով կրկնակի վարակման ոչ մի դեպք դեռ լաբորատոր հաստատված չէ։ Նրա խոսքով, կա հետազոտություն, որ «Օմիկրոն»-ը անցկացնելուց հետո իմունիտետը երկար չի պահպանվում։

«Տեսականորեն ամեն ինչ հնարավոր է, քանի որ «Օմիկրոնն» ունի մի քանի ենթաշերտեր։ Այսօր մեր երկրում տարածված է նրա B2 շտամը, սակայն Օմիկրոնից հետո լաբորատոր հաստատված դեպք դեռ չունենք: Մենք չունենք տվյալներ և չկան տվյալներ գրականության մեջ, սակայն կան մի քանի ուսումնասիրություններ, որ անձեռնմխելիությունը երկար չի պահպանվում «Օմիկրոն»-ի անցկացումից հետո»,- ասել է Ամիրան Գամղրելիձեն։

Ամիրան Գամղրելիձեն խոսել է պատվաստումների կարևորության մասին և ընդգծել պատվաստանյութի երրորդ՝ խթանող չափաբաժնի պատրաստման անհրաժեշտությունը։ Հետազոտության համաձայն՝ խթանիչը լրջորեն պաշտպանում է մարդուն վարակից, հոսպիտալացումից և մահացու ելքից։

«Բոլորին ուղղված հիմնական կոչը կրկին պատվաստումն է, և հատկապես՝ խթանիչով պատվաստվելը, քանի որ դրա վերաբերյալ արդեն իսկ կան բազմաթիվ հետազոտություններ, այդ խթանիչը լրջորեն պաշտպանում է վարակից, հոսպիտալացումից և մահացու ելքից»,- ասել է Ամիրան Գամղրելիձեն։