Մի քանի հասարակական կազմակերպություններ հանդես են եկել հայտարարությամբ, որոնք հաստատում են իրենց պատրաստակամությունը ներգրավվելու Եվրահանձնաժողովի հանձնարարականների ժամանակին և ամբողջական իրականացման գործընթացին։

«Մենք կարծում ենք, որ այսօր՝ երկրի համար շրջադարձային պահին, միակ առաջնահերթությունը մինչև տարեվերջ Եվրամիության անդամ երկրի կարգավիճակ ստանալն է։ Այս նպատակին հասնելու համար անհրաժեշտ է Եվրոպական հանձնաժողովի կողմից սահմանված հանձնարարականների ժամանակին և ամբողջական իրականացումը։ Ուստի իշխանության, ընդդիմության և քաղաքացիական հասարակության բոլոր ջանքերը պետք է ուղղվեն այս նպատակին։ Թեև նպատակին հասնելու ուղիների վերաբերյալ կարող են լինել տարբեր տեսակետներ, կան հարցեր, որոնք պարզ են հենց հանձնարարականներից՝ հետագա մեկնաբանությունների տեղ չթողնելով:

Եվրոպական հանձնաժողովի հանձնարարականի 10-րդ կետը նախատեսում է քաղաքացիական հասարակության արդյունավետ ներգրավվածությունը մյուս բոլոր կետերի վերաբերյալ որոշումների կայացման գործընթացում։ Իշխանության նախաձեռնությամբ խորհրդարանի նախագահը ստանձնել է քաղաքացիական կազմակերպությունների համակարգման և արդյունավետ ներգրավման պատասխանատվությունը։

Մենք տարիներ շարունակ աշխատել ենք Եվրահանձնաժողովի հանձնարարականներով սահմանված ​​հարցերի վրա։ Մեր թեմատիկ ուսումնասիրությունները, պատրաստված զեկույցները, տեսակետներն ու կարծիքները կարևոր ներդրում կլինեն բարեփոխումների և փոփոխությունների պատշաճ կառավարման գործում՝ հաշվի առնելով Վրաստանի կարիքները։

Ստորագրող կազմակերպությունները հաստատում են իրենց պատրաստակամությունը՝ մասնակցելու Եվրոպական հանձնաժողովի 12 կետից բաղկացած ծրագրի իրականացման գործընթացին և դիմում Վրաստանի խորհրդարանի նախագահին.

Հնարավորինս արագ կազմակերպել աշխատանքային հանդիպում հասարակական կազմակերպությունների հետ՝ կարծիքներ փոխանակելու քաղաքացիական հասարակության գործընթացներում ներգրավվածության ձևաչափի և հետագա աշխատանքի ընթացակարգերի վերաբերյալ»,- նշված է հայտարարության մեջ: