Մեզ հաջողվել է, որ մեր երկիրն ունի լավ ընկերներ, որոնք հնարավորություն չեն տալիս, որ միմյանց ուտենք մինչև վերջ, փորձում են նստեցնել սեղանի շուրջ. Ալեկո Էլիսաշվիլի
Ես շատ ուրախացա, երբ կարդացի այն տեղեկատվությունը, որ Եվրոպական խորհրդի նախագահ Միշելի հանձնարարությամբ, Դանիելսոնը գալիս է Վրաստան, բանակցությունները շարունակելու համար, – այս մասին հայտարարել է «Մոքալաքեեբի» կուսակցության առաջնորդ, Ալեկո Էլիսաշվիլին:
Էլիսաշվիլին հույս ունի, որ այս անգամ բանակցությունները կավարտվեն արդյունքով:
«Մեզ հաջողվել է, որ մեր երկիրն ունի լավ ընկերներ, որոնք հնարավորություն չեն տալիս, որ միմյանց ուտենք մինչև վերջ: Հնարավորություն չեն տալիս, որ երկիրը պառակտենք և մտցնենք փակուղի: Մեծ հաջողություն է, որ ունենք նման ընկերներ, այս դեպքում Եվրամիության տեսքով, ովքեր փորձում են մեզ սեղանի շուրջ նստեցնել և ինչ-որ կերպ կլորացնել մեր տարաձայնությունները և համաձայնության բերել: Շնորհակալություն դրա համար: Հուսով եմ, որ գոնե այս անգամ բանակցությունները կավարտվեն արդյունքով, և հասարակության մեջ կրկին մեծ հիասթափություն չի լինի: Մենք բոլորս պետք է հասկանանք, որ մեր մեջքի հետևում կան մարդիկ, և չպետք է խախտենք այս երկիրը: Ձեռքեր քաշելը բանակցություն չէ, բանակցությունները պետք է ավարտվեն համաձայնագրով, այլ ոչ թե ինչ-որ մեկը այնտեղ ինչ-որ մեկին հրի ու ձեռքը քաշի», – հայտարարել է Ալեկո Էլիսաշվիլին:
Քրիստիան Դանիելսոնը շաբաթվա վերջին կվերադառնա Վրաստան և կշարունակի միջնորդությունը: Այս մասին Ֆեյսբուքում գրել է Եվրոպական խորհրդի նախագահ Շառլ Միշելը: