«Մեծ յոթնյակ»-ի երկրները նախազգուշացնում են Ռուսաստանի Ուկրաինա ներխուժման պարագայում հնարավոր սարսափելի հետևանքների մասին և բանակցությունների կոչ անում
«Մեծ յոթնյակ»-ի երկրները Ռուսաստան-Ուկրաինա ճգնաժամը կանխելու միասնական դիրքորոշման շուրջ համաձայնության են եկել ։
Տեղեկությունը տարածում է «Ռոյթերս» գործակալությունը։
Մեծ Բրիտանիայի Լիվերպուլ քաղաքում տեղի է ունեցել«Մեծ յոթնյակ»–ի անդամ երկրների և ԵՄ ԱԳ նախարարների հանդիպումը՝ քննարկելու ռուս-ուկրաինական ճգնաժամը։
Ուկրաինա ներխուժելու դեպքում կողմերը նախազգուշացրել են Ռուսաստանին սպասվող սարսափելի հետևանքների մասին և կոչ արել նստել դիվանագիտական բանակցությունների սեղանի շուրջ։
Միացյալ Թագավորության պետքարտուղար Լիզ Տրասի խոսքով՝ անհրաժեշտ է պաշտպանվել թշնամական կողմերի աճող ագրեսիայից և միավորվել ագրեսորների դեմ, ովքեր ձգտում են սահմանափակել ազատության և ժողովրդավարության սահմանները։
Ըստ «Ռոյթեր»-ի՝ ԱՄՆ պետդեպարտամենտի բարձրաստիճան պաշտոնյան ասել է, որ Ռուսաստանի հետ լարվածությունը թուլացնելու դիվանագիտական ճանապարհ դեռ կա, և որ եթե Մոսկվան չգնա այս ճանապարհով, հետևանքները սարսափելի կլինեն։
Գերմանիայի արտաքին գործերի նախարար Անալենա Բերբոկի խոսքով՝ անհրաժեշտ է ձեռնարկել բոլոր միջոցները, որպեսզի կողմերը վերադառնան երկխոսության։
Սակայն ԱՄՆ Պետդեպարտամենտն այսօր հայտարարեց, որ ԱՄՆ պետքարտուղարի Եվրոպայի եւ Եվրասիայի հարցերով օգնական Կարեն Դոնֆրիդը դեկտեմբերի 13-15-ը կայցելի Ռուսաստան և Ուկրաինա։