Գերմանիայի արտաքին գործերի նախարար Անալենա Բերբոկը «Մեծ դասակի» նոյեմբերին կայանալիք գագաթնաժողովի նախապատրաստական ​​հանդիպմանը դիմել է Ռուսաստանի արտաքին գործերի նախարար Սերգեյ Լավրովին՝ պահանջելով դադարեցնել պատերազմն Ուկրաինայում։ Տեղեկությունը տարածում է «Deutsche Welle»-ն։

«Եթե դուք մտածում եք մարդկանց կյանքերի մասին, եթե մտածում եք ձեր սեփական ժողովրդի, ռուս երեխաների և երիտասարդների մասին, դուք պետք է դադարեցնեք այս պատերազմը հիմա»,- ասել է Բերբոքը Լավրովին։

Գերմանիայի արտգործնախարարը նաեւ նշել է, որ Ռուսաստանի ներխուժումն Ուկրաինա ավելին է, քան տարածաշրջանային հակամարտություն։

«Ռուսական պատերազմական ագրեսիան մարտահրավեր է նետում մեզ բոլորիս հաստատակամորեն պաշտպանելու հիմնարար սկզբունքները, որոնք պաշտպանում են մեզ բոլորիս ՄԱԿ-ի կանոնադրության, միջազգային իրավունքի և մարդու իրավունքների մեջ: Այս սկզբունքները պաշտպանում են բոլոր ազգերին, անկախ նրանից, թե որքան մեծ է ազգը, թե փոքր»,- ասել է Բերբոքը։