Մեծ Բրիտանիայում 86 մարդ է ձերբակալվել արգելված պաղեստինամետ խմբավորման աջակցության համար բողոքի ակցիայի ժամանակ
Մեծ Բրիտանիայում 86 մարդ է ձերբակալվել արգելված կազմակերպությանը աջակցելու համար, հաղորդում է Reuters-ը։
Նրանցից 41-ը ձերբակալվել է Լոնդոնում խորհրդարանի շենքի առջև արգելված պաղեստինամետ բողոքի խմբին աջակցելու ցույցի ժամանակ, ևս 16-ը՝ Մանչեստրում կայացած հանրահավաքի ժամանակ, իսկ ամբողջ երկրում ձերբակալվել է ընդհանուր առմամբ 86 մարդ։
Բողոքի ցույցեր են անցկացվել նաև Ուելսում և Հյուսիսային Իռլանդիայում։
Մեծ Բրիտանիայի խորհրդարանը այս ամիս արգելել է խումբը՝ հակաահաբեկչական օրենսդրության համաձայն, այն բանից հետո, երբ խմբի որոշ անդամներ հարձակվել են ռազմաօդային բազայի վրա և վնասել ինքնաթիռներ՝ ի նշան Մեծ Բրիտանիայի կողմից Իսրայելին աջակցության դեմ բողոքի։
Բացի այդ, ոստիկանությունը անցյալ շաբաթ նմանատիպ ցույցի ժամանակ ձերբակալել է 29 մարդու։