Մեծ Բրիտանիան ամենախոշոր պատժամիջոցները սահմանեց Ռուսաստանի «ստվերային նավատորմի» դեմ։ Այս մասին ասվում է ԱԳՆ հայտարարության մեջ։

Մասնավորապես, Միացյալ Թագավորությունը պատժամիջոցներ է սահմանել ռուսական 18 նավթատարների և հեղուկացված գազի չորս տանկերի նկատմամբ։

«Սև ցուցակում» ընդգրկված նավերը կարգելվեն Մեծ Բրիտանիայի նավահանգիստներում և չեն կարողանա մուտք գործել աշխարհի առաջատար բրիտանական նավահանգիստներ:

Արտաքին գործերի նախարարությունը բացատրում է, որ «ստվերային նավատորմը» այն նավերն են, որոնք շրջանցում են ռուսական նավթի դեմ սահմանված պատժամիջոցները։ Այսպիսով, պատժամիջոցների ենթարկված նավթատարների ընդհանուր թիվը կազմել է 43։

«Ստվերային նավատորմը» ձգտում է խաթարել պատժամիջոցները և ներկայացնում է հստակ և իրական սպառնալիք»: Սրանք բնապահպանական ռիսկեր են, ինչպիսիք են նավթի արտահոսքը՝ անվտանգության հիմնական չափանիշների կոպիտ խախտման հետևանքով, ինչպես նաև համաշխարհային առևտրի անվտանգությանը սպառնացող ռիսկեր»,- ասված է հաղորդագրությունում։

Ըստ Մեծ Բրիտանիայի արտաքին գործերի նախարարության՝ նման պատժամիջոցները Պուտինի ռազմական մեքենան զրկում են զգալի եկամուտներից։ Նախարարության տվյալներով՝ պատժամիջոցների ենթարկված նավթատարները միայն անցյալ տարի Ռուսաստանին բերել են 4,9 միլիարդ դոլարի եկամուտ։

Բացի նավթի տանկերից, Մեծ Բրիտանիան պատժամիջոցներ է կիրառել հեղուկ գազով բեռնված չորս լցանավերի և ռուսական «Ռուսգազդոբիչա» գազային ընկերության նկատմամբ։