Մեծ Բրիտանիան հայտարարել է միգրացիան նվազեցնելու վիզային միջոցների խստացման մասին։ Այս մասին տեղեկություն է տարածում «Ռոյթերս» գործակալությունը։

Միգրացիան դեպի Մեծ Բրիտանիա 2022 թվականին հասել է ռեկորդային բարձր մակարդակի՝ – 745 000-ի և այդ ժամանակվանից բարձր է մնացել:

Ինչպես գրում են լրատվամիջոցները, Բրիտանիա շատ միգրանտներ այժմ Եվրամիության փոխարեն գալիս են Հնդկաստանից, Նիգերիայից և Չինաստանից։ Մեծ Բրիտանիայի ներքին գործերի նախարար Ջեյմս Քլևերլիի խոսքով՝ նոր միջոցները կարող են 300 հազարով կրճատել միգրանտների թիվը։

Մյուս միջոցները ներառում էին օտարերկրյա բուժաշխատողների ընտանիքի անդամների մուտքի արտոնագրերի կասեցում, միգրանտների առողջապահական ծառայությունների համար վճարների 66%-ով բարձրացում:

Բացի այդ, ինչպես նշել է Մեծ Բրիտանիայի վարչապետ Ռիշի Սունակը, արմատական ​​միջոցներ են ձեռնարկվում ներգաղթը հաղթահարելու համար։