Տարիներ շարունակ մենք Սաակաշվիլիին տեսնում էինք հեծանիվով, դահուկներով, լողալիս, նա շատ առողջ կյանք էր վարում . վազքով ու մարզանքով էր զբաղվում և այլն: Մենք պատրաստ ենք հեռուստատեսությունների , լրագրողների ներկայությամբ թեստ հանձնել ցանկացած թմրանյութի վրա. սկսած թեթև թմրամիջոցների մինչև քիմիական թմրամիջոցները, – ասել է Միխեիլ Սաակաշվիլիի փաստաբան Բեքա Բասիլաիան:

Միաժամանակ, Բասիլաիան վարչապետ Իրակլի Ղարիբաշվիլիին առաջարկում է, որ հենց ինքը՝ Ղարիբաշվիլին անցնի թմրանյութերի փորձարկում :

«Միևնույն ժամանակ, մենք «մարտահրավեր» ենք ունենալու Ղարիբաշվիլիի հետ. Նա անցնի թեստավորում կանցլերայում իրեն համար ընդունելի լրատվամիջոցների ներկայությամբ, իսկ դրանից հետո տեսնենք, թե ինչ է ասելու լեզվաճարտար տղամարդուկը. ինչ կխոսի : Ինչ վերաբերում է ավելի կարևոր հարցին, Ղարիբաշվիլին ասաց, որ Միշան Վրաստան է եկել անկարգությունների համար. Սա հաստատում է այս կառավարության հոգեվարքը: Միշան իսկապես Վրաստան եկավ ՝ ժողովրդավար մեթոդներով աջակցելու մեր ժողովրդին ՝ այս ռուսամետ իշխանությունը ժողովրդավարական ճանապարհով փոխելու համար, և մենք դրան հաստատ կհասնենք: Դա կախված չի լինի, թե ինչ քայլեր է ձեռնարկում կառավարությունը Միշայի դեմ: Վրաց հասարակությունը կորոշի իշխանափոխության հարցը: Միշան, որպես այս երկրի երրորդ նախագահ և այս երկրի պատմության ամենակարևոր դեմքերից մեկը, կնպաստի այս գործընթացին: Միշան շատ ուժեղ է ՝ թե՛ բարոյապես, թե՛ ֆիզիկապես: Հացադուլը շարունակվում է, և նրա սկզբունքային որոշումը ավելի է ուժ ստանում», – ասաց Բասիլաիան: