Եվրոպական խորհրդի տիկնայք և պարոնայք, դուք վիրավորում եք Եվրամիության իմիջը, երբ ելույթ չեք ունենում նրանց առջև, ովքեր երկար տարիներ սպասել են մեր միությանը միանալուն,- այս մասին Եվրախորհրդարանում կայացած բանավեճի ժամանակ, հայտարարել է Եվրախորհրդարանի պատգամավոր Իրացե Գարսիա Պերեսը:

«Մենք պետք է կատարենք մեր խոստումները և հստակ ուղերձ հղենք, որ Արևմտյան Բալկանների ապագան Եվրամիությունում է, ինչպես նաև Ուկրաինայի, Մոլդովայի և Վրաստանի։ Մեր հանձնառությունը պարզ է. «Ճանապարհը երկար է լինելու, բայց արժե այն»,- ասել է նա։

Նա նաև կոչ է արել եվրոպացի առաջնորդներին լուծել Եվրամիության ներքին խնդիրները, այդ թվում սոցիալական անհավասարությունը, բարձր գնաճը, պարենային ապրանքների գների աճը և աճող պոպուլիզմը:

«Ընդլայնում՝ այո, բայց մենք պետք է հոգ տանենք մեր սեփական տան մասին»,- ասել է Իրացե Գարսիա Պերեսը։