Մենք պետք է բացենք եվրոպական հեռանկարները և ստեղծենք նոր ձևաչափեր Եվրամիություն-Վրաստան հարաբերություններում. Մակա Բոճորիշվիլի
Բրյուսելում, Եվրախորհրդարանում տեղի է ունեցել Եվրամիություն-Վրաստան խորհրդարանական ասոցացման հանձնաժողովի տասներորդ նիստը, որը նախագահել են համանախագահներ Մակա Բոճորիշվիլին և Մարինա Կալիուրանդը, և որին մասնակցել են՝ Վրաստանի խորհրդարանի և Եվրախորհրդարանի մշտական պատվիրակությունների ներկայացուցիչները:
Նիստում քննարկվել են Եվրամիություն-Վրաստան համագործակցության օրակարգը, ձեռք բերված առաջընթացն ու ապագա հեռանկարները։
«Չնայած անվտանգության վատթարացմանը, «Covid 19»-ի հետ կապված մարտահրավերներին, Ռուսաստանի կողմից Վրաստանի տարածքների շարունակական օկուպացմանը և հիբրիդային սպառնալիքներին, Վրաստանը, որպես Եվրամիության գործընկեր, իրականացնում է ժողովրդավարական և ինստիտուցիոնալ բարեփոխումների լայն շրջանակ, որոնք անհրաժեշտ են Եվրամիության հետ քաղաքական ասոցացման և տնտեսական ինտեգրման համար։
Մենք ցանկանում ենք ամբողջությամբ օգտագործել Ասոցացման համաձայնագրի հսկայական ներուժը։ Դրա համար մենք պատրաստ ենք աստիճանական քաղաքական, տնտեսական և ոլորտային ինտեգրումը Եվրամիությանը, այդ թվում ինտեգրումը Եվրամիության միասնական շուկա, և դրա նոր մակարդակի հասցնելը»,- ասել է Մակա Բոճորիշվիլին։
Եվրամիություն-Վրաստան Ասոցացման խորհրդարանական հանձնաժողովի համանախագահ Մակա Բոճորիշվիլին կենտրոնացել է Ասոցացման համաձայնագրի իրականացման գործում խորհրդարանի դերի և օրենսդրական նախաձեռնությունների և այս ուղղությամբ փոփոխությունների վրա:
Վրաստանի պատվիրակությունը խոսեց Վրաստանում ժողովրդավարական բարեփոխումների ամրապնդման և հիմնարար ազատությունների պաշտպանության, Եվրամիություն-Վրաստան Ասոցացման համաձայնագրի, այդ թվում խորը և համապարփակ ազատ առևտրի համաձայնագրի իրականացման, այս գործընթացում ձեռքբերումների ու մարտահրավերների մասին։ Հանձնաժողովի նիստի շրջանակներում ուշադրության կենտրոնում է եղել նաև Վրաստանի՝ Եվրամիությանը ոլորտային ինտեգրման գործընթացը։ Քննարկվել են Եվրամիության միասնական թվային շուկայում Վրաստանի ինտեգրման քայլերն ու հեռանկարները, ինչպես նաև շրջակա միջավայրի և եվրոպական «Կանաչ համաձայնագրի» հետ կապված հարցեր։
«Եվրամիությանը ինտեգրվելու համար միայն ասոցացման համաձայնագրով նախատեսված հնարավորությունները բավարար չեն, մենք պետք է բացենք եվրոպական հեռանկարները և ստեղծենք նոր ձևաչափեր Եվրամիություն-Վրաստան հարաբերություններում։ Դա անելու համար մենք պետք է դյուրացնենք փորձագիտական և քաղաքական երկխոսությունը տարբեր մակարդակներում: Երկխոսության ամրապնդման անհրաժեշտությունն էլ ավելի ակնհայտ դարձավ այն բանից հետո, երբ Վրաստանի կառավարությունը նպատակ դրեց կոնկրետ քայլ կատարել դեպի Եվրամիությանը ինտեգրվելու ճանապարհին և որոշեց Եվրամիությանը անդամակցության հայտ ներկայացնել 2024 թվականին»,- ասել է Մակա Բոճորիշվիլին։
Հանձնաժողովի նիստում գործադիր իշխանության ղեկավարները զեկույց են ներկայացրել Վրաստանի օկուպացված տարածքներում տիրող իրավիճակի և կառավարության խաղաղության քաղաքականության մասին։ Եվրախորհրդարանի անդամները վերահաստատել են իրենց ամուր աջակցությունը Վրաստանի ինքնիշխանությանը, տարածքային ամբողջականությանը և Ռուսաստանի կողմից Վրաստանի օկուպացված տարածքների չճանաչմանը:
Նիստում տեղի է ունեցել քննարկում, որի ընթացքում Եվրամիություն-Վրաստան խորհրդարանական ասոցացման հանձնաժողովի անդամներին պատասխանել են օրենսդիր և գործադիր իշխանությունների ներկայացուցիչները։ Այս տարվա աշնանը Թբիլիսիում տեղի կունենա Եվրամիություն-Վրաստան խորհրդարանական ասոցացման հանձնաժողովի հաջորդ նիստը։
