Մենք ոչ մի կործանարար ուժի թույլ չենք տա սադրանք կազմակերպել, բոլորն ունեն հավաքների և արտահայտվելու ազատություն, եթե դա դուրս գա օրենքի սահմաններից, պետությունն անզիջում կլինի. Իրակլի Ղարիբաշվիլի
Մենք շատ լավ հասկանում ենք, որ հերթական անհաջողությունը շատ ծանր էր։ Իմաստուն և պատասխանատու քաղաքական գործիչը պետք է որոշ հետևություններ անի այն փաստից, որ բնակչության մեծամասնությունը ընտրությունների միջոցով ութ անգամ կմերժի ձեզ և կհաղթի իշխող թիմը», – այս մասին հայտարարել է Վրաստանի վարչապետ Իրակլի Ղարիբաշվիլին։
Նրա խոսքով ընդդիմության պատրաստած բոլոր սադրանքներին պատասխան կտրվի։
«Ինչ վերաբերում է նրանց ապակառուցողական ծրագրերին, մենք շատ լավ գիտենք, որ բանտարկյալ Սաակաշվիլիի ծրագրերը բացարձակապես արմատական են և հակապետական։ Մեր քաղաքացիների անվտանգության դեմ ուղղված է նրա բոլոր ծրագրերն ու կոչերը։ Այս մասին մանրամասն տեղեկություններ ունենք։ Այս ընտրություններով մեր պետությունն ու իշխանությունն ավելի են ամրապնդվել։ Մենք թույլ չենք տա, որ որևէ կործանարար ուժ կազմակերպի որևէ սադրանք: Բոլոր անհատներն ու խմբերն ունեն խաղաղ հավաքների և արտահայտվելու ազատության իրավունք։ Եթե սա դուրս գա օրենքի սահմաններից, պետությունն անզիջում կլինի։ Մենք ոչ մի քայլ հետ չենք գնա: Ընդդիմության կողմից ցանկացած ավերածություն և սադրանք կկանխվի, և բոլորը կպատժվեն»,- ասել է Ղարիբաշվիլին։
