Մենք կողմ ենք ներգրավվել ժամանակավոր հետաքննչական հանձնաժողովի աշխատանքին, սակայն այն դեպքում, եթե այս գործընթացին կներգրավվեն այն քաղաքական կուսակցությունները, որոնք ներկայացուցիչներ ունեին ընտրատեղամասերում. Լևան Իոսելիանի
Մենք կողմ ենք ներգրավվել ժամանակավոր հետաքննչական հանձնաժողովի աշխատանքին, սակայն այն դեպքում, եթե այս գործընթացին կներգրավվեն այն քաղաքական կուսակցությունները, որոնք ներկայացուցիչներ ունեին ընտրատեղամասերում, – այս մասին հայտարարել է պատգամավոր, «Մոքալաքեեբի» կուսակցության անդամ Լևան Իոսելիանին:
«Ինչու ընդդիմությունը չի ցանկանում ներգրավվել, դա պետք է նրանցից հարցնեք: Ես ուզում եմ, որ նրանք ներգրավվեն և իրենց հետ միասին ապացուցենք այն, ինչի մասին մենք այսքան ժամանակ խոսում ենք: Մենք ընտրություններում դիտորդներ չենք ունեցել, և դժվար կլինի բոլորի փոխարեն կրել ապացույցների բեռը, որոնք ընդդիմությունը պետք է ապացուցի քննչական հանձնաժողովի շրջանակներում: Մենք ներկայացուցիչներ ունեինք Սաբուրթալոյում և տեսանք խախտումների մասշտաբները և արձանագրությունների պատճենումը: Դրան գումարվեցին նաև ընդդիմադիր մյուս կուսակցությունների հայտարարությունները, որ նման իրավիճակ գոյություն ունի ամենուր, և մենք դրանց չհավատալու հիմքեր չունեինք: Բայց մենք ասում ենք ՝ եկեք այս ամենը ապացուցենք քննչական հանձնաժողովի շրջանակներում: Ապացույցները բերեն, որոնք ներկայացրել են դատարան, և դատարանը հրաժարվել է դրանք քննարկել», – հայտարարել է Իոսելիանին:
Հոկտեմբերի 31-ին կայացած խորհրդարանական ընտրությունների ժամանակավոր հետաքննող հանձնաժողով ստեղծելու մասին բանաձևի նախագիծն, այսօր կներկայացվի խորհրդարանի բյուրոին: Բանաձևի նախագիծը պատրաստել է «Վրացական երազանք»-ը, որն ընդդիմադիր կուսակցություններին առաջարկում է ուսումնասիրել ընտրությունների արդյունքները և խոստանում է նշանակել նոր խորհրդարանական ընտրություններ, եթե հանձնաժողովը գտնի մեկ տոկոսանոց թերություն: