Մենք Հայաստանին առաջարկել ենք Ադրբեջանին վերադարձնել հինգ շրջան, սակայն Հայաստանի իշխանությունն իր ճանապարհով գնաց, ինչը հանգեցրեց ստեղծված իրավիճակին.Վլադիմիր Պուտին
«Մենք Հայաստանին առաջարկել ենք Ադրբեջանին վերադարձնել հինգ շրջան, սակայն Հայաստանի կառավարությունը գնաց իր ճանապարհով, ինչը մեզ հասցրեց ստեղծված իրավիճակին», -«Վալդայ» բանավեճային ակումբում ի պատասխան քաղաքագետ Ալեքսանդր Իսկանդերյանի հարցին հայտնել է ասաց ՌԴ նախագահ Վլադիմիր Պուտինը։
«Երկու մեծ թաղամաս շրջան. դրանցից մեկը Քարվաճառի և ավելի հարավ ընկած մեծ տարածքներն են: Ինչ-որ փուլում պայմանավորվենք ադրբեջանական կողմի հետ, տալ այս հինգ շրջանները։ Դրանք պետք չեն, իմաստ չկա, այս տարածքները ամայացած են։ Մարդիկ կհեռանան փաստացի ամայացած այս տարածքներից: Ինչու է պետք պահել դրանք։ Իսկ Ղարաբաղի հետ կապը պահպանելու համար երկու շրջանը բավական է։ Մենք կարծում ենք, որ դա կլիներ արդարացի , փախստականների վերադարձ և այլն։Սա լավ քայլ կլիներ տարածաշրջանում իրավիճակը կարգավորելու համար, սակայն Հայաստանի ղեկավարությունը գնաց իր ճանապարհով։ Սա մեզ հանգեցրեց այն իրավիճակին, որում այժմ գտնվում ենք»,- ասել է Պուտինը։
Բացի այդ, հայկական ԶԼՄ-ների հաղորդմամբ, ինչպես նշել է ՌԴ նախագահը, Մոսկվայի դիրքորոշումն այն է, որ Հայաստանի և Ադրբեջանի միջև խաղաղության համաձայնությունը անհրաժեշտ է , սակայն, թե ինչպես կլինի, դա հայ ժողովրդի և կառավարության որոշումնն է։
«Եթե հայ ժողովուրդը և ներկայիս իշխանությունը կարծում են, որ պետք է ընտրել խաղաղության համաձայնության որևէ կոնկրետ տարբերակ, այսպես կոչված Վաշինգտոնի տարբերակը, ինչպես հասկանում եմ ես, նախատեսում է Ադրբեջանի ինքնիշխանության ճանաչում ողջ Ղարաբաղի նկատմամբ։ Եթե Հայաստանն այդպես մտածի, մենք կաջակցենք հայ ժողովրդի ընտրությանը։ Եթե հայ ժողովուրդն ու ղեկավարությունը կարծում են, որ Ղարաբաղն ունի որոշակի յուրահատկություններ, և այս յուրահատկությունը պետք է հաշվի առնել ապագա համաձայնագրում, դա նույնպես հնարավոր է, բայց պետք է բանակցել Ադրբեջանի հետ։ Անհրաժեշտ է, որ այդ համաձայնագրերն ընդունելի լինեն Ադրբեջանի համար։ Սա բարդ հարց է։Հայաստանը մեր ռազմավարական գործընկերն է, պարզ է ՝ դաշնակիցը, և մենք որոշակի մակարդակում հաշվի առնելով Ադրբեջանի շահերը, կենտրոնացած կլինենք Հայաստանի առաջարկների վրա»,- ասել է ՌԴ նախագահը։
Կրեմլի տվյալներով՝ հոկտեմբերի վերջին Սոչիում նախատեսված է Հայաստանի վարչապետի, Ադրբեջանի և Ռուսաստանի նախագահների հանդիպումը։