Մենք հարգում ենք Վրաստանի և Ուկրաինայի որոշումը՝ անդամակցել ՆԱՏՕ-ին, և այդ պատճառով մենք շատ սերտ և ամուր համագործակցություն ենք ծավալել երկու երկրների հետ,- այս մասին մամուլի ասուլիսի ժամանակ հայտարարել է ՆԱՏՕ-ի գլխավոր քարտուղար Ենս Ստոլթենբերգը։

Նրա խոսքով, ՆԱՏՕ-ն կենտրոնացած է Վրաստանի և Ուկրաինայի վրա, որպեսզի օգնի այդ երկրներին արդիականացնել իրենց պաշտպանական և անվտանգության ինստիտուտները՝ ՆԱՏՕ-ի չափանիշներին համապատասխանելու համար:

«Մենք կանգնած ենք այն հիմնական սկզբունքների վրա, որոնց վրա հիմնված է եվրոպական անվտանգությունը տարիներ շարունակ, ինչը նշանակում է, որ մենք հարգում ենք բոլոր երկրների ինքնիշխան իրավունքը՝ անկախ նրանից՝ նրանք ցանկանում են լինել ռազմական կազմակերպության մաս, թե ոչ։ Այդ իսկ պատճառով մենք հարգում ենք ՆԱՏՕ-ին անդամակցելու Վրաստանի և Ուկրաինայի որոշումը։ Հենց այս պատճառով է, որ մենք ներգրավված ենք եղել շատ սերտ և ամուր համագործակցության մեջ երկու երկրների հետ։ Այժմ մեր ուշադրության կենտրոնում են բարեփոխումները, որոնք կօգնեն արդիականացնել պաշտպանական և անվտանգության ինստիտուտները՝ ՆԱՏՕ-ի չափանիշներին համապատասխանելու համար: Բայց նաև ինչու ենք մենք հարգում որոշ երկրների՝ անդամակցության չդիմելու որոշումը, օրինակ՝ Ֆինլանդիան և Շվեդիան։ Մենք շատ սերտ գործընկերություն ունենք նրանց հետ, մեր ուժերը միասին վարժանքներ են անցկացնում, դա հարգանք է երկրների և նրանց ընտրության նկատմամբ, և դա չի փոխվի, և սա սկզբունք է, որը ստորագրել է Ռուսաստանը», – ասել է Ենս Ստոլթենբերգը։