Մենք գիտակցում ենք առանձնահատուկ կապը, որն ունենք Վրաստանի հետ, սա արդեն պատմական, ավանդական է. Ռոբ Պորտման
Մենք հստակ գիտակցում ենք այն կապը, որն ունենք Վրաստանի հետ և դա արդեն պատմական է, ավանդական, – այս մասին մամուլի ասուլիսի ժամանակ հայտարարել է Վրաստանում այցով գտնվող սենատոր Ռոբ Պորտմանը:
Ըստ նրա, կարևոր է, որ հակակոիդային պատվաստանյութերը Վրաստան կմատակարարվեն ԱՄՆ-ից:
«Մի քանի բառով կցանկանայի նշել Կովիդի հետ կապված իրավիճակը: Շատ կարևոր է, որ կովիդի դեմ պատվաստանյութերը Վրաստան կմատակարարվեն Միացյալ Նահանգներից: Մինչ օրս Վրաստանը ԱՄՆ-ից 20 միլիոն դոլար է ստացել կովիդի դեմ պայքարելու համար: Մենք հստակ հասկանում ենք, որ Վրաստանի հետ մենք հատուկ կապ ունենք, և դա արդեն պատմական է, ավանդական, քանի որ 1991 թվականից Միացյալ նահանգները 5,7 միլիարդ դոլար օգնություն է տրամադրել Վրաստանին, որ երկիրը բարելավեր իր ժողովրդավարությունը և պահպաներ ազատ շուկայի սկզբունքները»,- ասել է Ռոբ Պորտմանը:
ԱՄՆ-ը Վրաստանին կտրամադրի կորոնավիրուսի պատվաստանյութի դեղաչափեր: