Ռուսաստանը երկու քայլ է անում Ուկրաինայում հակամարտությունը թուլացնելու համար, Ռուսաստանի Դաշնությունը Ստամբուլում Ուկրաինայից հստակ դիրքորոշում է ընդունել,- այս մասին Ստամբուլում կայացած բանակցություններից հետո, հայտարարել է Ուկրաինայի հետ բանակցություններում ռուսական պատվիրակության ղեկավար, Ռուսաստանի նախագահի օգնական Վլադիմիր Մեդինսկին։

Ռուսական պատվիրակության ղեկավարն ասել է, որ համաձայնագրի վրա արագ աշխատելու և փոխզիջում գտնելու դեպքում խաղաղության հաստատման հնարավորությունն ավելի շուտ կլինի։

Ռուսական լրատվամիջոցների փոխանցմամբ՝ Մոսկվան Կիևին առաջարկել է նախագահ Պուտինի և Զելենսկու միջև հանդիպում՝ արտգործնախարարների կողմից խաղաղության համաձայնագրի ստորագրմամբ։

«Բանակցությունները կառուցողական էին։ Մենք Ուկրաինայից ստացել ենք քննարկման առաջարկներ՝ հստակ հաստատված դիրքորոշում, համաձայնագրում դրանց ընդգրկման վերաբերյալ։ Այդ առաջարկները կդիտարկվեն մոտ ապագայում, կտեղեկացվեն նախագահին և կլինի մեր համապատասխան արձագանքը»,- ասել է Մեդինսկին։

Ռուսական պատվիրակության ղեկավարը նշել է, որ Պուտին-Զելենսկի հանդիպումը հնարավոր է հենց համաձայնության պատրաստվելու ժամանակ։