Թբիլիսիի քաղաքապետարանի ենթակառուցվածքների զարգացման ծառայությունը սկսել է Մթածմինդայի շրջանում, Մելիքիշվիլի փողոցի ամբողջական վերականգնումը։

Ընթացիկ աշխատանքներին մայրաքաղաքի քաղաքապետ Կախա Կալաձեն ծանոթացել է փոխքաղաքապետ Անդրիա Բասիլայայի հետ միասին։

«Մենք սկսել ենք Մելիքիշվիլի փողոցի ամբողջական վերականգնում-վերանորոգումը։ Աշխատանքների առաջին փուլը ենթադրում է ստորգետնյա հաղորդակցությունների փոխարինում, որն ամենավատ վիճակում է։ Վնասվել և ավերվել են առկա բոլոր կոմունիկացիաները։ Այնտեղ, որտեղ մենք մտնում ենք վերականգնողական աշխատանքներ, առաջին փուլում ուզում ենք, որ կոմունիկացիաների առումով ամեն ինչ կարգին լինի։ Այս ծրագրի շրջանակներում ամբողջությամբ կվերանորոգվի կանաչապատումը, կտեղադրվեն լուսավորության սյուներ։ Էլեկտրահաղորդման գծեր կտեղադրվեն գետնի տակ: Ամբողջովին կվերանորոգվի Թբիլիսիի համերգասրահի դիմացի հրապարակը, ինչպես նաև ավտոբուսային ուղիները։ Բավականին հետաքրքիր նախագիծ է, որը Ճավճավաձեի պողոտայի շարունակությունն է։ Աշխատանքները նախատեսում ենք ավարտել նոյեմբերին, որից հետո մեքենաները կարող են ազատ տեղաշարժվել։ Հաջորդ տարի մենք նախատեսում ենք վերականգնել Կոստավայի փողոցը և Ռուսթավելի պողոտան»,- ասել է Կախա Կալաձեն։

Կախա Կալաձեին ուղեկցել են Թբիլիսիի քաղաքապետարանի ենթակառուցվածքների զարգացման ծառայության ղեկավար Լևան Նարուշվիլին, տրանսպորտի և քաղաքաշինության գործակալության ղեկավար Վիկտոր Ծիլոսանին, ինչպես նաև Մթածմինդայի շրջանի գամգեբելի Դավիթ Կիրկիտաձեն և մեծամասնական պատգամավոր Զուրաբ Աբաշիձեն։

Միևնույն ժամանակ, ըստ Թբիլիսիի քաղաքապետարանի, ծրագրի շրջանակներում ամբողջությամբ կփոխվեն ստորգետնյա հաղորդակցության ցանցերը, կկազմակերպվի ջրահեռացման ցանց, կնորոգվեն ջրահեռացման և կոյուղու համակարգերը, գազամատակարարման խողովակները։ Ստորգետնյա կտեղադրվեն էլեկտրահաղորդման գծեր, կտեղադրվի լուսադիոդային լույսերով լուսավորության ցանց։ Կկազմակերպվեն մայթեր, սպասասրահներ, ավտոբուսների և հեծանվային ուղիներ։ Նաև կտեղադրվեն ստորգետնյա աղբամաններ, և փողոցի ենթակառուցվածքը առավելագույնս հարմարեցվի հաշմանդամություն ունեցող անձանց համար։

Վերականգնման տարածքը ներառում է Վարազիսխևից մինչև Ճովելիձեի փողոց ընկած ճանապարհահատվածը։ Ծրագիրը ֆինանսավորվում է մայրաքաղաքի բյուջեից 6 388 000 լարիով։