Մեկնարկել է Եվրոպական ընդլայնման և հարևանության հարցերով հանձնակատար Օլիվեր Վարհեյի այցը Վրաստան։
Արտաքին գործերի նախարարության տեղեկատվության համաձայն՝ Օլիվեր Վարհեյին Թբիլիսիի միջազգային օդանավակայանում դիմավորել են փոխարտգործնախարար Թեյմուրազ Ջանջալիան և Եվրամիությունում Վրաստանի դեսպան Վախտանգ Մախարոբլիշվիլին։
Նրանց փոխանցմամբ, երկօրյա այցի շրջանակներում եվրահանձնակատարը հանդիպումներ կունենա Վրաստանի գործադիր և օրենսդիր իշխանությունների բարձրաստիճան պաշտոնյաների հետ։
Զրույցը վերաբերելու է Վրաստանի եվրաինտեգրման գործընթացին, այդ ուղղությամբ Վրաստանի ձեռք բերած առաջընթացին և հետագա քայլերին։