Մեգիս Քարդավային Ուկրաինայից արտահանձնել են Վրաստան (ֆոտո)
17:37, 17.09.2021
Վրաստանի պաշտպանության նախարարության ռազմական ոստիկանության վարչության նախկին պետ Մեգիս Քարդավային Ուկրաինայից արտահանձնել են Վրաստան:
Մեգիս Քարդավային Կիևից տեղափոխող ինքնաթիռը րոպեներ առաջ վայրէջք կատարեց Թբիլիսիի միջազգային օդանավակայանում: Մեգիս Քարդավային մեղադրական եզրակացության մասին հայտնել են օդանավակայանում: Նա Թբիլիսիի միջազգային օդանավակայանից տեղափոխվել է քրեակատարողական հիմնարկ:
Վրաստանում 11 քրեական գործերով մեղադրվող եւ դատապարտյալ Մեգիս Քարդավան Ուկրաինայում ձերբակալվել է 2017 թվականի նոյեմբերի 1-ին: Վրացական կողմը պահանջում էր Քարդավային արտահանձնել ձերբակալման օրվանից: 2018 թվականից Մեգիս Քարդավայի արտահանձնման կալանքը փոխվեց տնային կալանքով, իսկ օրեր առաջ նրան կրկին բանտ տեղափոխեցին:
