Վրաստանի Զբոսաշրջության ազգային վարչության ղեկավարի պաշտոնակատար, Մեդեա Ջանիաշվիլին, Իսրայելում, Թել Ավիվում ընթացող IMTM 2022 միջազգային զբոսաշրջային ցուցահանդեսի շրջանակներում, հանդիպել է Իսրայելի զբոսաշրջության փոխնախարարի հետ։

Զբոսաշրջության վարչության տեղեկությամբ, Մեդեա Ջանիաշվիլին և Կոբի Բրադան քննարկել են զբոսաշրջության ոլորտում Վրաստանի և Իսրայելի միջև համագործակցության խորացման հեռանկարները։ Հանդիպման ընթացքում քննարկվել են հատուկ զբոսաշրջային արտադրանքները, որոնք Վրաստանն առաջարկում է իսրայելական շուկային, ինչպես նաև այն միջոցառումները, որոնք նախատեսված են երկրի ակտիվ դիրքավորման համար։

«Շատ արդյունավետ և հետաքրքիր հանդիպում ունեցանք, որտեղ հիմնականում ներկայացրեցինք զբոսաշրջային արտադրանքները, որոնք առաջարկում ենք Իսրայելի շուկային։ Ինչպես գիտեք, Իսրայելը Վրաստանի համար առաջատար զբոսաշրջային շուկա է, և այդ պատճառով մենք քննարկել ենք կոնկրետ ուղիներ, թե ինչպես կարող ենք ավելի շատ զբոսաշրջիկներ ներգրավել Իսրայելից»,- ասել է Մեդեա Ջանիաշվիլին։

«Հանդիպմանը մենք խոսեցինք, թե ինչպես կարելի է բարելավել այցելուների ռեկորդային թիվը, որը եղել է 2019 թվականին: Վրաստանը Իսրայելի զբոսաշրջության առաջատար ուղղություններից է, որը շատ է գրավում իսրայելցիներին, նրանք սիրում են Վրաստանը։ Իսրայելի քաղաքացիներին դուր են գալիս զբոսաշրջային արկածները, վրացական ուտեստներն ու հյուրասիրությունը»,- ասել է Կոբի Բրադան։

Իսրայելը Վրաստանի համար կարևոր զբոսաշրջային շուկա է։ Իսրայելի և Վրաստանի քաղաքների միջև կատարվում են կանոնավոր չվերթներ, տարիներ շարունակ Իսրայելն ընդգրկված է Վրաստանի միջազգային այցելուների լավագույն տասնյակում։