Մայրենի լեզուն մեր ինքնության և պետականության հիմքն է,- այս մասին, մայրենի լեզվի օրվա կապակցությամբ սոցիալական ցանցում գրել է Վրաստանի վարչապետ Իրակլի Ղարիբաշվիլին:

«1978 թվականի ապրիլի 14-ին, Վրաստանի փողոցներ դուրս եկած հազարավոր մարդկանց կողմից նրա պաշտպանությունը, միևնույն ժամանակ դարձավ երկրի ազատության ցանկության արտահայտությունը:

Վրաց ժողովուրդը դիմադրեց Խորհրդային Միության կողմից, վրացերենը որպես պետական ​​լեզու վերացնելու մտադրությանը: Դա Խորհրդային Միության պատմության մեջ առաջին բողոքի ցույցն էր, և միևնույն ժամանակ, առաջին անգամ ավտորիտար ռեժիմը ստիպված եղավ զիջել ժողովրդին: Ժողովրդական ջանքերի այս հաղթանակը ոչ միայն վրաց լեզվին պահպանեց սահմանադրական կարգավիճակը, այլև հզոր խթան հաղորդեց ազգային շարժման վերելքին:

Այսօր մենք մեր երախտագիտությունն ենք հայտնում այս աննախադեպ քաղաքացիական հերոսության բոլոր մասնակիցներին և, միևնույն ժամանակ, գիտակցում ենք մեր ներկա սերունդների պատասխանատվությունը ՝ աջակցել մեր բոլոր համաքաղաքացիներին վրացերենի սովորելու հարցում և դրանով ամրապնդել մեր պետականությունը, իր ուրույն տեղը տալով այս հնագույն լեզուներից մեկին և այդ լեզվով ստեղծված մշակույթին աշխարհում»,- գրել է Իրակլի Ղարիբաշվիլին «Ֆեյսբուքում»: