Մայք Ջոնսոն. Դեմոկրատները պաշտոնապես քվեարկեցին կառավարության փակման օգտին, մայրերն ու երեխաները կորցնում են սնունդ, վետերանները կորցնում են առողջապահական ծրագրեր, զինծառայողները կորցնում են աշխատավարձ
ԱՄՆ Ներկայացուցիչների պալատի խոսնակ Մայք Ջոնսոնը մեղադրում է դեմոկրատներին այսպես կոչված կառավարության փակման համար։
Սոցիալական ցանցերում հրապարակված հայտարարության մեջ Ջոնսոնը քննադատել է Չակ Շումերին։
«Դեմոկրատները պաշտոնապես քվեարկեցին կառավարության փակման օգտին։ Արդյունքներ՝ մայրերն ու երեխաները կորցնում են սնունդ, վետերանները կորցնում են առողջապահական և ինքնասպանությունների կանխարգելման ծրագրեր, զինվորներն ու գործակալները մնում են առանց աշխատավարձի, հիմա միակ հարցն այն է, թե որքան ժամանակ Չակ Շումերը կշարունակի այս ցավը իր սեփական եսասիրական պատճառներով», – գրում է Ջոնսոնը։
Տեղեկատվության համար՝ ԱՄՆ կառավարությունը պաշտոնապես կասեցրել է իր աշխատանքը։ Սենատը չի աջակցել այսպես կոչված կառավարության փակումը կանխելու համար ֆինանսավորման օրինագծին։
