Մայիսի 26-ին նվիրված միջոցառումների հետ կապված՝ մայրաքաղաքի առանձին փողոցներում կարգելվի երթեւեկությունը։

Թբիլիսիի քաղաքապետարանի տեղեկություններով՝ տեղաշարժի սահմանափակումն առաջին փուլում կազդի Հանրապետության հրապարակի վրա։

Քաղաքապետարանի տեղեկություններով՝ մայիսի 21-ի ժամը 07:00-ից մինչև մայիսի 27-ը տրանսպորտային միջոցներն այլևս չեն կարողանա աջ թեքվել Հանրապետության հրապարակում՝ Մերաբ Կոստավա փողոցի ուղղությամբ։ Այս ընթացքում Հանրապետության հրապարակի երթեւեկությունն ամբողջությամբ կսահմանափակվի։ Մայիսի 23-ի ժամը 20:00-ից մինչև մայիսի 24-ը ժամը 00:00-ն Շոթա Ռուսթավելի պողոտայում՝ Հանրապետության հրապարակից Ազատության հրապարակ ճանապարհահատվածում, արգելվելու է երթևեկությունը։

Սահմանափակումը կգործի մայիսի 25-ի ժամը 00:00-ից մինչև մայիսի 27-ը ժամը 07:00-ն, երբ կարգելվի տրանսպորտային միջոցների տեղաշարժը ինչպես Ռուսթավելիի պողոտայում, այնպես էլ Ազատության հրապարակում։ Այս ընթացքում երթեւեկությունը հնարավոր կլինի մինչեւ Առաջին Հանրապետության հրապարակ եւ Նիկոլոզ Բարաթաշվիլիի կամրջի թեքահարթակ։

Կոտե Աբխազիայի և Շալվա Դադիանի փողոցներից Ազատության հրապարակի ուղղությամբ տեղաշարժը կսահմանափակվի։ Անձնական մեքենաների երթևեկությունը կթույլատրվի Գիորգի Լեոնիձեի, Պավլե Ինգորողվա, Ալեքսանդր Ճավճավաձեի, Ալեքսանդր Գրիբոեդով, Նիկոլոզ Բարաթաշվիլի և Ռևազ Թաբուկաշվիլի փողոցներով։

Ինչ վերաբերում է Իվանե Մաչաբելի փողոցին, ապա այստեղ փոխվելու է երթեւեկության ուղղությունը։ Մասնավորապես, Գիորգի Լեոնիձեի փողոց հնարավոր կլինի հասնել Լադո Ասաթիանի փողոցից՝ Իվանե Մաչաբելի փողոցով։

Մթածմինդայի մնացած փողոցներ հնարավոր կլինի հասնել Պետրե Մելիքիշվիլի պողոտայից Սիմոն Ջանաշիայի, Իվանե Թարխնիշվիլիի, Թամար Ճովելիձեի, Միխեիլ Զանդուկելիի փողոցներով, այնուհետև Վասիլ Բարնովի, Յակոբ Գոգեբաշվիլի և Պոլիկարպե Կակաբաձեի փողոցներով։ Մթածմինդա շրջանի մնացած փողոցներից Ալեքսանդր Գրիբոեդով, Կոտե Մաղաշվիլի, Վասիլ Բարնովի և Ակակի Շանիձեի փողոցներով հնարավոր կլինի հասնել Մելիքիշվիլի պողոտա և մետրո «Ռուսթավելի» կայարանի տարածք։

Սահմանափակման ընթացքում կփոխվեն նաև նշված տարածքներով շարժվող հասարակական տրանսպորտի երթուղիները։ Մելիքիշվիլիի պողոտայից Ազատության հրապարակի ուղղությամբ շարժվող հասարակական տրանսպորտը կշարժվի դեպի Ձիթենու ծառ, որտեղից Միխեիլ Ջավախիշվիլի փողոցով և Քուռ գետի աջ ափով կմիանա Բարաթաշվիլի փողոցին, թեքվի Ալեքսանդր Ճավճավաձեի փողոցի սկզբում և այնուհետև շարունակվի սահմանված երթուղին։ Այն ավտոբուսները, որոնք Գորգասալի փողոցից շարժվում են դեպի Բարաթաշվիլի փողոց, կշարժվեն դեպի Եվրոպայի հրապարակ, Քուռ գետի ձախ ափով և Բարաթաշվիլի կամրջով կմիանան Բարաթաշվիլի փողոցին, ապա կշարժվեն սահմանված չվացուցակով։

Թբիլիսի-Կոջորի մայրուղով ընթացող տրանսպորտը կանգ կառնի Ամաղլեբայի փողոցի թիվ 11 հասցեում և կսպասարկի նույն հասցեից ուղևորներին հակառակ ուղղությամբ։