Մայա Բիթաձեն հանդիպել է վարձատրվող պրակտիկայի ծրագրով ընտրված երիտասարդների հետ
Մշակույթի նախարար Մայա Բիթաձեն հանդիպել է Վրաստանի վարչապետի նախաձեռնած վարձատրվող պրակտիկայի ծրագրով ընտրված երիտասարդների հետ:
«Երիտասարդների մասնագիտական զարգացման աջակցությունը մեր նախարարության կարևոր առաջնահերթություններից է: Վստահ եմ, որ պրակտիկայի ընթացքում ստացած գործնական փորձը, մասնագիտական հմտությունների զարգացումն ու իրենց համար հետաքրքիր ոլորտում գիտելիքների խորացումը երիտասարդների համար կարիերայի առաջխաղացման կարևոր հիմք կդառնան: Հաջողություն եմ մաղթում յուրաքանչյուր փորձնակի»,- նշել է Մայա Բիթաձեն:
Եռամսյա վարձատրվող պրակտիկայի ծրագրի շրջանակներում Մշակույթի նախարարության կենտրոնական ապարատում աշխատանքի է անցել 20 երիտասարդ, որոնք կծանոթանան նախարարության գործունեության առանձնահատկություններին և հնարավորություն կունենան ձեռք բերել մասնագիտական փորձ:
Երիտասարդները պրակտիկա կանցնեն Վրաստանի մշակույթի նախարարության վարչական դեպարտամենտում, իրավաբանական ծառայությունում, մշակույթի զարգացման և աջակցության դեպարտամենտում, միջազգային հարաբերությունների դեպարտամենտում, մշակութային ժառանգության դեպարտամենտում, ներքին աուդիտի և մոնիթորինգի դեպարտամենտում, տնտեսական դեպարտամենտում, ենթակառուցվածքային զարգացման և լոգիստիկայի դեպարտամենտում, ինչպես նաև հասարակայնության հետ կապերի և մեդիակոմունիկացիաների ծառայությունում:
Տեղեկատվությունը տարածում է Մշակույթի նախարարության մամուլի ծառայությունը: