Մայա Բիթաձեն աշխատանքային հանդիպում է անցկացրել Մշակույթի նախարարության համակարգում գործող թանգարանների, հետազոտական կենտրոնների և Ազգային գրադարանի ղեկավարների հետ
Մշակույթի նախարար Մայա Բիթաձեն աշխատանքային հանդիպում է անցկացրել նախարարության համակարգում գործող թանգարանների, հետազոտական կենտրոնների և Ազգային գրադարանի ղեկավարների հետ:
Հանդիպմանը մասնակցում էին մշակույթի նախարարի առաջին տեղակալ Միխեիլ Կիկնաձեն և նախարարի տեղակալ Նաթիա Շամաթավան:
Մասնակիցները քննարկել են առկա մարտահրավերները, դրանց լուծման ուղիներն ու ապագա ծրագրերը: Քննարկվել են ինչպես ենթակառուցվածքային և վարչական ուղղությունների, այնպես էլ ֆոնդապահոցների ու արխիվային նյութերի, ինչպես նաև թանգարանային ֆոնդերի համակարգված թվային գույքագրման հարցերը:
Մայա Բիթաձեն ուշադրություն է հրավիրել նախարարության համակարգում ընդգրկված գերատեսչությունների արդյունավետ կառավարման և զարգացման ռազմավարության անհրաժեշտության վրա: Նախարարի հայտարարությամբ՝ ոլորտի ներկայացուցիչների կողմից տրամադրված տեղեկատվության և հստակեցված կարիքների հիման վրա նախարարությունը կապահովի համապատասխան աջակցություն:
Աշխատանքային հանդիպմանը մասնակցում էին Սիմոն Ջանաշիայի անվան Վրաստանի ազգային թանգարանի, Վրաստանի պալատ-թանգարանների միավորման, Մետաքսի պետական թանգարանի, Սմիրնովների թանգարանի, Դավիթ Բաազովի անվան Վրաստանի հրեաների և վրաց-հրեական հարաբերությունների պատմության թանգարանի, Միրզա Ֆաթալի Ախունդովի անվան ադրբեջանական մշակույթի թանգարանի, Գիորգի Լեոնիձեի անվան վրացական գրականության պետական թանգարանի, Իլիա Ճավճավաձեի անվան Վրաստանի ազգային գրադարանի, Կորնելի Կեկելիձեի անվան Վրաստանի ձեռագրերի ազգային կենտրոնի և Գիորգի Չուբինաշվիլիի անվան վրացական արվեստի պատմության և հուշարձանների պահպանության ազգային հետազոտական կենտրոնի ներկայացուցիչները:
Հանդիպմանը ներկա էր նաև Մշակույթի նախարարության մշակութային ժառանգության դեպարտամենտի պետ Սալոմե Ջամբուրիան:
Տեղեկությունը տարածում է Մշակույթի նախարարության մամուլի ծառայությունը: