Նորվեգիան վճռականորեն աջակցում է Վրաստանի տարածքային ամբողջականությանը, ինքնիշխանությանը և անկախությանը։ Միևնույն ժամանակ, կարևոր է պահպանել ժողովրդավարական արժեքները, եթե Վրաստանը ցանկանում է շարունակել եվրոպական և եվրատլանտյան ուղին,- ասել է Նորվեգիայի խորհրդարանի խոսնակ Մասուդ Գարախանին իր վրացի գործընկեր Շալվա Պապուաշվիլիի և պատվիրակության անդամների հետ հանդիպումից առաջ։

Նրա խոսքով, պատիվ է, որ վրացական պատվիրակությունը սկանդինավյան շրջագայությունը սկսում է Նորվեգիայից։

Նորվեգիայի խորհրդարանի նախագահ Մասուդ Գարախանիի խոսքով, Նորվեգիան եւ Վրաստանը լավ հարաբերություններ ունեն, ինչը կարեւոր է։

«Ցավոք, այժմ Եվրոպայում բարդ ժամանակներ են ռուսական ագրեսիայի պատճառով։ Նախագահը և ես վերջերս այցելեցինք Ուկրաինա և ցույց տվեցինք մեր աջակցությունը ուկրաինացի ժողովրդին, որը պայքարում է ազատության և ժողովրդավարության համար: Թե ինչ կարող է անել ռուսական ագրեսիան, մենք տեսել ենք նաև Իրպենում և Բուչայում։ Վրաստանը նույնպես զգացել է ռուսական ագրեսիան: Նորվեգիան վճռականորեն աջակցում է Վրաստանի տարածքային ամբողջականությանը, ինքնիշխանությանը և անկախությանը։ Միևնույն ժամանակ, կարևոր է պահպանել ժողովրդավարական արժեքները, եթե Վրաստանը ցանկանում է շարունակել եվրոպական և եվրատլանտյան ուղին։ Վրաստանը երկար տարիներ եղել է ժողովրդավարական բարեփոխումների առաջատարը, և դա շատ լավ է։ Նաև նախագահի հետ հանդիպման ժամանակ ես որոշ մտահոգություններ կբարձրաձայնեմ անցած տարիների քաղաքական իրադարձությունների վերաբերյալ, ակնկալում եմ արդյունավետ քննարկումներ ձեզ հետ»,- ասաց Մասուդ Գարախանին։