«Աշխարհը պետք է օգտագործի այս հնարավորությունը տարածաշրջանային և միջազգային հարցերը լուծելու համար՝ համագործակցելով ուժեղ, խաղաղասեր և արժանապատիվ Իրանի հետ»,- հայտարարել է Իրանի նախագահ Մասուդ Ֆեզեշկիանին նախագահի երդման արարողության ժամանակ։

Իրանի նախագահը խոստացել է պաշտպանել Իրանի արժանապատվությունն ու շահերն աշխարհում՝ ասելով, որ «արժանապատվությունը, իմաստությունը և նպատակահարմարությունը» կլինեն իր արտաքին քաղաքականության մոտեցման երեք հիմնասյուները: Մասուդ Ֆեզեշկիանին հաստատել է, որ աշխարհի հետ կառուցողական համագործակցությունը լինելու է իր վարչակազմի արտաքին հարաբերությունների հիմնաքարը: Իրանի նախագահը խոստացել է անել ամեն ինչ Արևմուտքի պատժամիջոցները չեղարկելու համար՝ հավելելով, որ իր կառավարությունը երբեք չի ենթարկվի ճնշումներին և երկակի ստանդարտներին։

«Աշխարհի հետ Իրանի տնտեսական և առևտրային հարաբերությունների կարգավորումը համարում եմ Իրանի օրինական իրավունքը և չեմ հանգստանա, քանի դեռ անարդար պատժամիջոցները չեղարկվեն։ Իրանի հետ բանակցելու ավելի քան երկու տասնամյակ փորձառությամբ կառավարությունները պետք է իմանան, որ մենք հավատարիմ ենք եղել և կմնանք մեր պարտավորություններին: Իրանը միշտ կանգնած է եղել պատմության և մարդկության ճիշտ կողմում, և մենք կշարունակենք կանգնել այս ճանապարհին՝ հիմնվելով մեր կրոնական համոզմունքների, մշակութային արժեքների և իրանական քաղաքակրթության վրա։ Կառավարության առաջնահերթությունը լինելու է հարևան երկրների հետ հարաբերությունների բարելավումը: Հարևան երկրները չպետք է վատնեն իրենց թանկարժեք ռեսուրսները լարվածության և երկարատև մրցակցության վրա: Իմ կառավարությունը ցանկանում է ուժեղ տարածաշրջան, որտեղ բոլոր հարևան երկրները կարող են համատեղ քայլեր ձեռնարկել տնտեսական զարգացման, առաջընթացի և ապագա սերունդների կյանքի բարելավման ուղղությամբ՝ սիներգիայով»,- ասել է Մասուդ Ֆեզեշկիանին։