Մասնագիտական ​​ծրագրերին ընդունվելու համար գրանցումը կսկսվի պլանավորվածից մեկ ամիս ուշ, մայիսի 20-ին, իսկ  քննությունները կանցկացվեն սեպտեմբերին, ուսումը կսկսվի հոկտեմբերին, և ոչ թե նոյեմբերին, ինչպես նախորդ տարիներին: Այս մասին Վրաստանի առաջին ալիքին հայտնել է կրթության, գիտության, մշակույթի և սպորտի փոխնախարար Թամար Քիտիաշվիլին: Նրա խոսքով, հաշվի առնելով երկրում ստեղծված իրավիճակը, այս տարի երկուսի փոխարեն ՝ կլինի միայն մեկ ընդունելություն:

«Ստեղծված իրավիճակում, քոլեջները հնարավորություն կունենան ստեղծել ավելի շատ տեղեր, առցանց ռեժիմում իրականացնել ծրագրերի արտոնագրումը, վերազինել հաստատությունները և ավելացնել արհեստանոցները»,- ասել է Քիտիաշվիլին:

Նրա խոսքով, մասնագիտական ​​կրթության առանձնահատկություններից ելնելով, որոնք ենթադրում են տեսական և գործնական դասավանդման համադրություն, անհնար է տեղափոխել հեռավար ուսուցման: Սակայն մյուս կողմից, կիսամյակներ չեն լինի և և այդ քոլեջներին հնարավորություն կտրվի ժամանակի ընթացքում անհատապես վերաբաշխել ուսումնական ծրագիրը: Սակայն, փոխնախարարը նշել է, որ ստեղծվելու են առցանց հարթակներ, որտեղ կմիավորվեն մեկ մասնագիտության ուսուցիչներ (օրինակ ՝ գյուղատնտեսական ցանց, զբոսաշրջային ​​ցանց, շինարարական մասնագիտությունների ցանց և այլն): Նրանք կքննարկեն անհատական ​​ծրագրերի ուսման արդյունքները և հետագայում դրանք հեռակա կարգով առաքելու հեռանկարը:

Ինչ վերաբերում է կարճաժամկետ ծրագրերին, ապա, ըստ Թամար Քիտիաշվիլիի, այս հատվածի որոշակի ծրագրեր անցում են կատարել առցանց ռեժիմի: