Մարկո Ռուբիոն ասում է, որ Սերգեյ Լավրովը հանդիպման ժամանակ առաջարկել է «նոր և տարբերվող մոտեցում» ռուս-ուկրաինական պատերազմին
ԱՄՆ պետքարտուղար Մարկո Ռուբիոյի խոսքով՝ Ռուսաստանի արտաքին գործերի նախարար Սերգեյ Լավրովը հանդիպման ժամանակ առաջարկել է Ռուսաստան-Ուկրաինա պատերազմին «նոր և տարբերվող մոտեցում»։
Ռուբիոյի խոսքով՝ ինքը Լավրովի հետ «անկեղծ և կարևոր զրույց» է ունեցել։
Ինչպես նշել է Մարկո Ռուբիոն, Վաշինգտոնը պետք է տեսնի Ուկրաինայում պատերազմը դադարեցնելու ճանապարհային քարտեզ։
«Ես սա չէի անվանի խաղաղության երաշխիք, բայց սա այն հայեցակարգն է, որը ես այսօր կփոխանցեմ նախագահին», – ասել է Մարկո Ռուբիոն։
Բացի այդ, ըստ Ռուբիոյի, ԱՄՆ նախագահ Դոնալդ Թրամփը հիասթափված է, որ ռուսական կողմը «ավելի մեծ ճկունություն» չի ցուցաբերել Ուկրաինայի հարցում։
«Մենք հասկանում ենք, որ այս ամենը ժամանակ և համբերություն է պահանջում, բայց մենք հիասթափված ենք, որ ավելի մեծ առաջընթաց չի գրանցվել», – ասել է Մարկո Ռուբիոն։