Մարկո Ռուբիոն ասում է, որ անվտանգության հետ կապ չունեցող արտաքին օգնությունը կմիավորվի տարածաշրջանային բյուրոներում, իսկ USAID-ի մնացած գործառույթները կբաշխվեն տարբեր բյուրոների միջև
ԱՄՆ պետքարտուղար Մարկո Ռուբիոյի «Նոր Պետդեպարտամենտ նոր դարաշրջանի մարտահրավերների համար» հոդվածի համաձայն՝ անվտանգության հետ կապ չունեցող ողջ արտաքին օգնությունը կմիավորվի տարածաշրջանային բյուրոների մեջ, որոնք պատասխանատու կլինեն որոշակի աշխարհագրական տարածքներում ԱՄՆ արտաքին քաղաքականության իրականացման համար։
Հոդվածում Ռուբիոն նշում է, որ «սա ապահովում է, որ Պետդեպարտամենտի յուրաքանչյուր բյուրո և գրասենյակ ունենա հստակ պատասխանատվություն և առաքելություն»։
«Երբ խոսքը վերաբերում է Աֆրիկային, դրանով կզբաղվի Աֆրիկյան գործերի բյուրոն։ Տնտեսական քաղաքականությունը կամրապնդվի տնտեսական աճի, էներգետիկայի և շրջակա միջավայրի նախարարի տեղակալի ղեկավարության ներքո, մինչդեռ անվտանգության օգնությունը և զենքի վերահսկողությունը կընկնեն զենքի վերահսկողության և միջազգային անվտանգության նախարարի տեղակալի ղեկավարության ներքո։ Մինչ օրս համընկնող մանդատները, զուգորդված հակասական պարտականությունների հետ, ստեղծել են բարենպաստ միջավայր գաղափարախոսական նվաճումների և անիմաստ տարածքային պատերազմների համար։ Ուժեղ բյուջեով և անորոշ մանդատով քաղաքացիական անվտանգության, ժողովրդավարության և մարդու իրավունքների նախկին նախարարի տեղակալը (ներքին շրջանակներում հայտնի է որպես «Դիփ Սթեյթ») ստեղծել է բարենպաստ միջավայր ակտիվիստների համար՝ վերաիմաստավորելու «մարդու իրավունքները», «ժողովրդավարությունը» և իրենց նախագծերը հարկատուների հաշվին իրականացնելու համար, նույնիսկ երբ դրանք ուղղակիորեն հակասում են նախարարի, նախագահի և ամերիկյան ժողովրդի նպատակներին», – ասում է Մարկո Ռուբիոյի հոդվածում, որը հրապարակվել է ԱՄՆ Պետդեպարտամենտի կայքում։
Հոդվածում նաև նշվում է, որ USAID-ի մնացած գործառույթները կբաշխվեն տարբեր բյուրոների միջև։